Press "Enter" to skip to content

Ralkap uknak a dotu pawl caah mah Bible caang (Efesa 6:10-18) hi ka tarpiak hna

Ralkap uknak a dotu pawl caah mah Bible caang (Efesa 6:10-18) hi ka tarpiak hna
===========================
“Bawipa he nan i pehtlaihnak thawng le a αΉ­hawnnak a nganmi thawngin nan thazang cu, αΉ­hawnter chin ko u. Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u. Zeicahtiah kan dohmi hna cu minung kha si loin, vancung khua i a ummi thlarau sual αΉ­hawnnak hna le uktu hna le nawl ngeitu hna le hi a muimi chan lianhngannak hna hi an si. Cucaah atu hin Pathian ralthuam kha i hruk u.

Cun ni αΉ­halo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai. Cucaah timhcia tein dir u: nan taisawm caah biatak kha fek tein i sawmh u; nan αΉ­angphaw caah dinnak kha i benh u;nan kedan caah daihnak ThawngαΉ­ha chim thathawhnak kha i danh u. Zumhnak kha phaw caah i ken zungzal u law cu phaw cun Khuachia nih mei bantuk a simi thal in an kah hna tikah nan rak hmih khawh hna lai.

Cun luchin caah khamhnak kha i chinh u law Thlarau nih an pekmi hna vainam caah Pathian bia kha i lak u. Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.” Van Tum

Be First to Comment

Leave a Reply

Your email address will not be published. Required fields are marked *