Press "Enter" to skip to content

Ralrin Awk Taktak : Singapore Ram ah Mi Sin-um A Tuanmi Nungak Le Inn Ngeitu Pa Sining Cu Singapore Ram Lawng Silo in Vawlei Pumpi Ah An Mualpho

China in Singapore ah ai thial mi nupa hna cu phung ning tein ai thium mi an si lo nain hmunkhat ah nupa bantuk in an umnak asau cang caah fanute pakhat zong an ngei ve cang .Singapore ah hin riantuan dingin a vai i thial mi an si bantuk in an rian ah an buai deuh caah innlei rian tlaih piaktu a herh tuk i 2017 ah khan sin um pakhat an i lak ve .

An sin um nu cu nungak muidawh ngai a si i , cansau nawn sin um in nupa hna sin ah rian a tuan hnu ah cun an pa he a thli tein an rak i tlaihchan manh . Duhsah tete in an i duh ning a fak i a nupi umlo kar ah a fanute hmai zong ah an i sum kho tilo i an i pom an i kup i an i hnam lengmang . Cukong cu a fanu te nih cun a nu sin ah a chimh tik ah a nupi nih cun an pa cu tha tein bia a hal i an pa nih cun a silo tiah a thiam ning in ai pheh ve .

Asinain a nupi nih cun a lungthli tein a pasal le an sin um nu cu a zum pah ve ti hna lo i a thli tein an sining cu hlathlai hram ai thok ve . A hnu ah cun a pasal nih an sin um nu hi leng a chuah zong ah motor in a va thlah i a va don tawn timi le inn ah a nupi umlo kar ah itnak room chung ah an rak um ti ning vialte tiangin a theihkhawh cang hna .

A nupi nih cun an sin um nu cung ah cun a thinhung tuk i an ram ah tlung dingin Airport ah a va thlah . Cuhnu ah cun an nupa karlak cu a that cang a zumh nain a hlan nak in an karlak boruak cu a chia chinchin i an pa nih cun a nupi le a fanute cu zeihmanh ah a rel ti hna lo i a mah duhpoah in khua a sa chinchin cang .An sin um nu a kalter hnu zong ah cun a pasal cu leng a chuak peng i zan tlaipi tiang lawilo in hmundang ah a riak pah lengmang .

A donghnak ah cun a nupi nih thil sining tha tein a hlat hlai than tik ah an sin um cu an ram ah rak tlung thai lo in Singapore ah a rak um rih i an pa i a fa a rak hring cang ti tiang a theih khawh than .A nupi nih an sin um nu Airport ah a va thlah ah khan innlei ah a kir bak in an sinum nu cu tlungthai loin Airport in a kir than i a pasal he a i chawnh hnu ah inndang te a rak hlan piak mi a rak si .

Cuti cun inndang a hlan piak mi ah cun an pahnih in an rak i tong lengmang i 2020 May thla h fanute an ngei ve .Culawng silo in an sinum nu cu Singapore ram ah um khawhnak nawl zong a pasal nih a rak tuahpiak dih cang .An sinum nu nih hin a pasal he an hmanthlak cu Social Media lei tiang ah a rak thlah lengmang cang titiang a nupi nih cun a theih than .

An konglam buainak vialte cu MOM kut ah phakpi a si i a nupi nih an karlak sining vialte cu tha tein a phuan dih hnu ah The Ministry of Manpower nih cun an konglam cu an buaipi hna .Inn ngeitu nih an sin um a simi a ho poah fa a pawiter a si ah cun MOM theihter hriimhrim ding timi phung a um .Sinum nu hi Indonesia mi a si i Kum 28 a si , an karlak buainak cu buaipi cuahmah lio a si . Reff : Asiaone,Mothership

Be First to Comment

Leave a Reply

Your email address will not be published. Required fields are marked *