Press "Enter" to skip to content

Ralrinawk taktak a si hih : Tih Nung Taktak Mi Hmaithling Zawtnak Phunkhat

Nu le pa a simi hna nih kan fale caah ralrin ding a herhtukmi pakhat zawtnak a hung um tthan. A poi ngaingai. Kawlram ummi paohpaoh nihcun rak i ralring cio uh. Nan fale nih mah bantuk zawtnak an ton sualnak hnga lo, ralringte in fale zohkhenh le kutrit kha kan rian a si.

Tutan ah kan van tarlanghmi hi a min ah Mg. Zin Lin Htwe (kum 2 le cheu) a si. Hmanthlak ah nan hmuh bantuk in a hmai khi zoh ulaw, a hma ciammam i a phinning zong a fak taktak. A hma khi a thlingmi a si. A hmai i a ummi a hma khi a thling pin ah a puak colh lai hlah maw ti awk in a phing.

A tuar a har ngaingai dingmi a si. A nu le pa hi Mandalay ramtthen, Chanmit Thasan No.4 sang ah a ummi an si i mi harsa ngaimi chungkhar an si. Amah lawng si loin midang hngakchia pawl zong a tu bantuk zawtnak nihhin a tlunh caah an hmai cu a hramthok ah a thling bantuk in a chuak hmasa i a hnu ah a tu bantuk in a chuakmi a si.

Tulio hi Kawlram khuapi pakhat a simi Mandalay siizung ah Operation tuah dingin Ihkhun 500 i a itmi hna hngakchia nih an hngah ko hna ti a si. An tam taktak tinak si. Minung 500 reru nih operation tuah dingin hngah cu a tamtuk.

Tutan i kan langhter mi hngakchia hmanthlak i a pa hi U Than Zaw ti a si. Mi harsa ngaingai an si caah thlawpbulnak caah a herhmi tlamtling an ngei kho lo. Bawmh a duhmi paoh nihcun amah phone 092560076 hin chonh i bawmh khawh a si. A poi khunnak cu tulio Covid zawtnak a um lio caan a si caah an caah a siseh, a thlawpbultu caah siseh ttihnung ngaingai lio caan a si. Ref-Myanmar 24. chinglobalnews

Be First to Comment

Leave a Reply

Your email address will not be published. Required fields are marked *