Press "Enter" to skip to content

Raltha tein um ko u, dinlonak in tuah mi thil cu Pathian hmanh nih a chanhchuah kho hna lo: Pu Pau Lun Min Thang

Raltha tein um ko u, dinlonak in tuah mi thil cu Pathian hmanh nih a chanhchuah kho hna lo: Pu Pau Lun Min Thang
===============================================================

Atulio Myanmar ram buainak kong ah mizapi thinlung fak le lungrethei in kan um, a si nain tih hrimhrim hlah u, raltha tein um u, dinlonak in tuah mi thil cu Pathian hmanh nih a chanhchuah kho hna lo, tiah Social Affairs Minister hlun Pu Pau Lun Min Thang nih February 17 ah a chim.

“Kei cu Rampumpi le Ramkulh huap in chimnak nawl le telnak nawl zong ka ngei ti lo. Asinain, keimah meehmun (mee a ka petu) hna sin ah ka cah mi hna cu, zeibantuk minung hmanh tih hna hlah u! Thil dik tanh u! Raltha tein um u. Ningcanglo le dinlonak in tuah mi thil pohpoh hi Pathian hmanh nih a chanhchuah kho hna lo ti hi thei peng u, tiah bia ka cah hna. Atu CDM in kan cawlcanghnak zong ah kan thachia hlah seh! Dinfelnak hi tanh usih! Zeihmanh tih hlah usih,” tiah Ex. Minister Pu Pau Lun Min Thang nih The Hakha Times ah a chim.

Social Affairs Minister hlun Pu Pau Lun Min Thang cu ZCD party in 2015 kum thimnak lio ah teinak a hmu mi a si i 2020 November 8 thimnak zong ah teinak a hmu than mi a si. Asinain, ralkap nih nawlngeihnak an laak than tik ah atu hi Minister’s Housing ah erh an si rih, tiah kan theih.

Crd: The Hakha Times

Be First to Comment

Leave a Reply

Your email address will not be published. Required fields are marked *