Press "Enter" to skip to content

Ralzaam Caah Inn Man Thlakhat 50000 Liam Hi A Fak Tuk

Dawtnak A Ngei Lomi Zumtu Deu. Ram buai ruangah Inn lo chuah taak in hmun dangah a zaammi an tampi. Khampat ah Inn an hlangmi dawng khat an um ve. Cu hna cu himnak kawl in hmun dangah an va zaam chin, Inn cu a lawng ko. Lam hla ah a zaam kho ve lo mi, “Tahan in khampat leiah a va zaam chimmi an um ve.

Cu Inn cu a lawngmi a si ko caah Tahan lei um nih, kan thin a phangtuk le zaangfah tein kan thinphan tlawmpal tal aa ning deuh ko lai tiah Inn cu an va hlaan hna. Annih nih aman nan cawi lo cun a ngah lo tiin thlakhat ah “Kyat 50000 in a man an liam ter hna.

Cu thawng ka theih bak cun mah hi maw Krifa nun timi cu a si? tiah ka khuaruah a har tuk hringhran. Ram daih lio cu sehlaw man cawi in an um zongah a phung hrimhrim a si ko. Thinphan thlalau ruangah lam hlapi ah a va ummi Mizo kan u nau sinah a va zaammi cu Mizo kan unau le hna nih Welcome an tuah hna Inn an sak piak hna, rawl le ti,

meh le haang tiangin Lai hritlai le unau pei kan si cu tiah aman zeihmanh cawi ter loin a lak / a thlawnte in an din an ei ter hna lio ah, Lam naite i a ummi Tahan lei in Khampat ah a va dor chungmi hna thlakhat ah Kyat 50000 an rak cawi ter hna hi cu, ka khuaruah bak hi a har ko. Kan pi kan pu nih Ral lak or zal an timi le Arpi ṭapnaa, Sahngar ninaa timi phung kha an tlinh ko.

Bantuk minung hna cu Lenglei Krifa menmen. Chungthu lengnal timi le duhfah haakkau mi, Tangka mit a thimi zawn ruahnak ngei lomi Ralkap uknak hi a tangka hmuhnak caanrem ah a ruatmi an si. Nitlak lei lam hlapi ah a va ummi mizo kan unau hmanh nih nichuah lei a unau a dawt tuk lio ah.

A ke hram i a ummi, Inn man an liam ter hna hi cu, Bawipa Jesuh nih “Na Innpa cu nangmah naa dawt bantukin na dawt lai a timi, Matthai 22:39. hi a rel lawngin a rel. Credit-F Bawi Khamh

Be First to Comment

Leave a Reply

Your email address will not be published.