Press "Enter" to skip to content

Ralzaam Hna Caah Young Mizo Association (YMA) Nih Bawmhnak Tam Taktak A Pek

Central Young Mizo Association (YMA) Executive Committee biakhiahnak in Mizoram i ralzam aa dor lio mi hna caah bawmhnak, India phaisa 1,000,000 leng ah hruk-aih thilri, khengbel le a dangdang an phawtzamh. Bawmhnak hi Aizawl khuapi chung ralzam ca ah sing 2, Champhai Sub-Headquaters YMA le Hnahthial Sub-Headquaters

YMA ram chung ralzam hna ca ah sing 3 veve, Lunglei le Serchip Sub-Headquater YMA hna ca ah sing 2 veve, Khawzawl le Saitual ca ah Rs 10,000 veve, Mamit le Kolasib hna ca ah Rs 5000 veve, Chimtuipui YMA group sin ah Rs 80,000 le Central YLA sin ah Rs 50,000 in an phawt, tiah Mizoram thawngzamhca Vanglaini nih a tial. Crd; The Chin Post

December 6, 2021 ah khan Lawngtlai District, Bualpui (NG) East MDC(Members of District Council) Pu L Daniala nih cun a bial chung; Bualpui NG, Lungzarhtum le Tlangpi khua hna ah a tlawng i, nizan December 7 ah khan bawmhnak zeimawzat a pek hna.

Bawmhnak ah hin Facang, Blanket, Chiti, Dailuah, Chana(kala pe), le Cite hna an si. Hi bawmhnak hi Village Council(VC) hruaitu le YLA hruiatu hna tawlrelpinak in an phawtzamh i, ralzam hna zong nih MDC Pu L Daniala cung ah lawmhnak bia an chim.

Bualpui (NG) East uktu MDC Pu Daniala nih hin an peng chung ralzam hna ca ah voi tampi bawmhnak a rak pek cang fawn hna, ralzam in aa dor mi hna zong nih an hnangampi tuk kong an chim. Bualpui (Ng) ah hin ralzam chungkhar 45, Lungzarhtum ah chungkhar 10 le Tlangpi khua ah chungkhar 3 an um lio, tiah Bualpui (NG) East MNF Unit nih an langhter. Crd; The Chin Post

Myanmar rampi ruahnak petu Daw Aung San Suu Kyi cu ramleng thilkuat le thil luhpinak upadi (ပို့ကုန်သွင်းကုန်ဥပဒေ) pohmah 8 le pehtlaihnak upadi (ဆက်သွယ်ရေးဥပဒေ) pohmah 67 hmang in taza an cuaimi cu Dec 20, 2021 ah dantat biakhiahnak an tuah ṭhan lai tiah theih a si.

Hi a cunglei pohmah in tazacuainak cu Dec 6 ah chimrelnak le ceihnak an ngeih dih hnuah Dec 20 ah dantat biakhiahnak tuah dingin ni an tuk hi a si. Feb 1 i nawlngeihnak an lak in Suu Kyi cu a inn ah an luhhnawh i biachimnak seh le Jammer (ဆက်သွယ်ရေးဖြတ်တောက်စက်) tuahkhat kan hmuh tiin a cunglei pohmah hmangin taza an cuai hi a si.

Pehtlaihnak upadi pohmah 67 hi thongdan kum 1 tiang pek khawh a si i ramleng thilkuat le thil luhpinak upadi pohmah 8 hi thongdan kum 3 tiang pek khawh a si ve. Dec 6 ah khan Suu Kyi cu pohmah 505 (b) hmang in thongdan kum 2 le kokek harnak tawlrelning upadi pohmah 25 hmang in thongdan kum 2, a dihlak kum 4 thongdan an pek.

Asinain ralhrang bu hotu Min Aung Hlaing nih kum 2 cu a ṭhumh piak, a taangmi kum 2 zong thong chungah chiah loin atu i a umnak ah chiah dingin Dec 6 zanlei lila ah nawl a chuah. Ralhrang kuttang um biaceihzung nih Suu Kyi thongdan an pekmi cu ramchung ramleng in duhlonak langhter in ralhrang bu mawhchiatnak cathanh an chuah lulh cio. Ralhrang kuttang biaceihnak cu dinfelnak a um lomi a deu a si tiah an ti. Ref: The Irrawaddy

Be First to Comment

Leave a Reply

Your email address will not be published.