Press "Enter" to skip to content

Ramdang I A Um Mi Chin Nungak Tlangval Nih I Ralrin A Herh Taktak Mi

Mon ramkulh Kyaikto khuapi helnak lam thar an tuahmi ah nungak le tlangval ai tong mi pawl a hro tawn i tangka le phone a lakpiak tawn tu misual pathum cu November 16 ni ah khan tleihkhawh an si cang.

Khawchung mipi sin in khuapi helnak hmunah suamhmang minung an um tiah thawng theih a si i, a hleice in nungak le tlangval khualeng i ai tong mi pawl ( Chingaw) pawl nih cun an tuar khun tawn. A muih nak i nungak le tlangval a umti mi an hmuh hna ah cun, nam le hriamhrei dang ken pah buin an panh i an hrocer hnu hna ah phone le tangka an lak piak tawn hna. Cu thawngpang cu palik sin ah an phanh pi i, November 16 zan ah palik pawl nih cun an rak bawh hna.

Cuticun lunghrinh mi pathum cu Bike in an rak chuak i palik pawl nih an dir ter colh hna. An bike le an taksa an cek hna tik ah hriamhrei le nam an i ken mi an hmuh tik hna ah an tleih colh hna. Bia an hal lengmang tik hna ah cun nungak tlangval a rak hro tawn tule tangka le phone a rak chut tawn tu an si caah phone zeimawzat an chuh mi hna cu palik nih an chuh rih hna.

Anmah cu Khan Htet Aung ( kum 20 ), Lin Htet Aung ( 19 ) le Myo Thura ( kum 19 ) minung pawl an si. An pathum in, mifir le midang thilri lakhmang mi le a hro tawn tu case an siam piak hna. Chinram ah hi bantuk theih ding a um loh nain, ramdang i a um mi chin nungal le tlangval caah ralrin a herh tuk mi a si. ( Mawlamyine Times ) Credit : VAPUAL AUAW

Be First to Comment

Leave a Reply

Your email address will not be published. Required fields are marked *