Press "Enter" to skip to content

Ramkip um Lai Miphun Hawile hna Nizan ka catialmi kongah fianter nak ka tuahthan lai

Ramkip um Lai Miphun Hawile hna Nizan ka catialmi kongah fianter nak ka tuahthan lai
===================
Ralkap nih Uknak an lakthan mi hi atha ko tiah ka tial. Fianter nak, NLD chanah NLD nih a lu an tlaihko nain ahrampi taktak an i timhmi(Democracy) taktak hi kan hmu naisai lo. Cucu Ralkap ruangah a si, tihi cu kan fiangdih ko. Nain NLD nih a lu an tlaihko i ralkap zongcu a lengh an langlo i Tlangcungmi hriamtlai he zong deihnak an tuah ko, nain a chung tein cun anmah bon te kha an rak si ko. Cucaah daite in an um nain akan uk rihko tikhawh a si. NLD nih a timhmi taktak kha cawlkholo in an phih thiam ko. Nain daiten an i umter ruangah cawlcangh awk kan tha ti hoiloh. Kan cawl lo ruangah kan duhmi kan ngah,hmu kho fawn loh.

Cuca cun a tu i Uknak an lak lawlaw ah hin cun kan cawlcang kho cang, duhtawk in kan doh khawh cang, Aherh ning in ralhmanh thawhkhawh a si cang, Daite i um tung i kanduh mi taktak kan hmuhkhawh lo nak in cun hitin an um i kan cawl ve lawlaw i kan i timhmi le kan duhmi kha lak lawlaw,(Ahmanmi Democracy) hmuhkhawh nak ding in Party kongah buaitilo. Miphung kong zong ah buairih lo in mipi kan dihlak in Ralkap hi kan doh ah cun kan tei ko lai, cuca cun atha deuh lawlaw ko tiah ka tialduh nak hi a si.

Ralkap nih an kan uk lai i kanduhmi kan hmuh lai tiduh nak a si lo. Kei ka hmuhning lebang ah hin cun ” Ralkap hi an i palh tuk cang, Antar hnuah Kuanfang in thih an i thim’ ti hmanh khi ka ruahmi a si. Sicun a dangah, Ramdang ummi nih hin teh kan cawlcang kholo maw? Ramchungmi nan biapi tilawng silo. Ram nan dawtcio le kan dawt taktak cio ah cun Chin Ralkap. CNF/ CNA hi teh kan bawm hna lailo maw? Upa deuhnih rak kan hruai tuah uh law Phaisa thazaang in bawmhnak ding lam kan kawlpiak tuah uh. Credit: Elvey’s Siangliantum

Be First to Comment

Leave a Reply

Your email address will not be published. Required fields are marked *