Press "Enter" to skip to content

Rampi hruaitu bak a simi hmanh nih a nupi a dawtnak khi a langhter

Henry Van Ṭhio cu Kawlram vice- president a si ti dah lo a ziaza ka thei lo. Zei bantuk thinlung a ken le zei bantukin bia chim thiam a si le si lo zong ka hngal lo. Zeicatiah khua khat le ai hmu balmi kan si lo.

Asinain, ka zoh lengmang tik ah le an nupa te in zuk (photo) chungah ka hmuh pah lengmang mi hna ah a thaisung Dr Anna Hluan he an umnak paohah an nu te khi a kut a tlaih peng. An nu pa tein uar an um tak rak ti tu ka theih khawh. Nupi le dawt zia le upat zia a thiam timi cu a lang hrim hrim. Cucu Australia ram ah second lady a rat ahkhan a biachim dan le a fim dan le an pa nih a upat dan khi a hmurka hrim in a lang. Hruaitu ṭha timi cu an chungkhar in aa thawk hrim hrim. Bawipa nih vice tiang a dir termi hi amah Van Ṭhio hrim hrim a nun zia aa dawh caah a si ti cu a lang ko. (Nun zia dawh lo buin si khawh a si lo ka ti duhnak a si lo).

Rampi hruaitu bak a simi hmanh nih a nupi a dawtnak khi a langhter zungzal. Ngaknu tlangval no tete an lo zungzal. Pasal le nih dawt le upat cang ahcun nupi le cu raltthahnak kan ngeihmi (confidence) cu van a tawng ko hme cu. Kan i dawhnak le mi hmai ah kan hmai a hngal ve nak zong a si.

Hi hna pahnih an hmanthlak ka zoh paohah, duhdawtnak tak hi tar tiang a uar lo hi teh timi a ka fianter. Ram hruaitu ṭha cu chungkhar ah a ṭha hmasa hrim hrim lai ti cu a fiangmi a si ko. A nupi kha mipi hmaiah tang a thla lomi nu a upatmi hruaitu hi kan ram nih a herhmi cu a si ko. ❤️💙 Nusung Hrangtlung Lenhmun

Be First to Comment

Leave a Reply

Your email address will not be published. Required fields are marked *