Press "Enter" to skip to content

Rampi Huap Hlasakthiam Benjamin Sum Le Esther Nih Online Live Concert An Nei Lai Ngeih A Um Bak Hih

Chinmi nih Myanmar rampi huap in hlasakthiam lar kan neihmi lakin pahnih Benjamin Sum le Esther Dawt Chin Sung nih cun mipi hrang ah Online Live Concert an neih lai tiah tuni October 22 ah mipi sin ah theih ter nak an tuah veve i, an pages veve ah zoh khawh a si lai.

Mah hi Online LIVE CONCERT ah hlasak lawng si loin mipi pawl he video in i chawnh khawh nak zong a um chih lai. Covid 19 boruak ruangah can sau pi chung Show nei kho loin an um i tutan ah Online in LIVE Concert an neih khawh ding mi hi a phu tuk tiah Benjamin Sum nih mipi sin ah a chim.

Hla ka sak lonak a sau tuk cang timi cu SUMMER pawl nih nan theifian cem lai. Covid 19 ruangah hlasaknak um loin i dinh a si i, a ra dingmi October 24 ah ONLINE Show in mipi awinak ka nei lai. Hla fung 4 ka sak lai iSummer pawl he video call in i chawnh nak can zong a um lai. Cupin ah Lucky draw zong a um lai.

Hack an tuah taktak kho cang ko hi – The Cherry Par

Cun,Covid 19 ruangah harsa mi pawl cu OK$ he bawmh nak pek dingah timtuahnak kan nei. Kan pahnih in bomhnak ah nan i tel duh asi ah cun a ngah tuk. Curuangah a ra dingmi October 24,zarhte zan nazi 7:30 in 8:30pm tiang Live rak zoh ding in kan sawm hna tiah a langh ter.

Esther Dawt Chin Sung nih cun “A ra dingmi zarhte ni zan nazi 7:30 in 8:30pm tiang live zoh dingin kan sawm hna.Mah hi kan tuah nak ruang cu Covid 19 damlo hrang ah OK Dollar he i kawp in, bomh nak pek dingah a si. A hopoh a tam a tlawm ti um lo in nan i tel kho. Cupin ah phone bill thawng 5 in ting 5 tiang lucky draw zonga um lai” tiah a ti.

Be First to Comment

Leave a Reply

Your email address will not be published. Required fields are marked *