Press "Enter" to skip to content

Rangoon Believers Church Nubu nih ral le rai ruangi harnak a tongmi kan miphun hawi hna caah Sing 15 bawmhnak an pek ṭhan

Rangoon Believers Church Nubu nih ral le rai ruangi harnak a tongmi kan miphun hawi hna caah Sing 15 bawmhnak an pek ṭhan caah kan i lawm.

Zarh chair te sabuti le thil phunphun an zuarnak in an hmuh mi a si. An tha batnak vialte Pathian nih philhpiak loin thluachuah pe chin ko hna seh.

💐ခက်ခဲ နေသူများ အတွက် နောက်ထပ် ၁၅ သိန်းလူုဒန်းပေးသော ရန်ကုန် ယုံကြည်သူများအသင်းတော် အမျိုးသမီးများ အပေါ်အထူး ဂုဏ်ယူရပါသည်။ မိခင်များ ဘုရားသခင်ကောင်ကြီးပေးပါစေ။ By_ NC Thawng Tha Thang

Pathein (ပုသိမ်) ah silent strike tuahding ah facebook in ca a taartu nu pahnih cu nizan January 30 chunhnu ah ralhrang phu nih an tlaih hna, tiah theih a si. Pathein (ပုသိမ်) khuachung no.6 sang ah ummi War War facebook account ngeitu Ma Wa Wa Hlaing le no.4 sang ah a ummi Nyein Shwe Yatu account ngeitu Ngein Aye Awng cu ralhrang phu nih an tlaih hna tiah sangchung ummi hna nih an chim.

“Ralbawi tel in ralhrang phu minung thazaang tampi nih hriam tlai lo mi nu pahnih cu meithal hmuahchih in an tlaih hna, a kan hmutu nih kan tih hna seh tiah an thiltuah mi an langhter,” tiah sangchung a ummi pakhat nih a chim. Nu pahnih tlaihkhih an ton hnu ah ralhrang phu hna nih social media ah tlaih a tongmi nu pahnih hmanthlak le facebook account cu taar in an langhter tiah Pathein(ပုသိမ်) khuachung um mi cheukhat nih an chim.

Cu nu pahnih hna nih cun facebook account in silence strike tuahding in an catial an share mi cu ralhrang phu nih an hmuh hna caah phungrelnak caang 505(a) in sualphawt an si, tiah pengkulh ralhrang phu nih an social media ah an langhter. “Mipi nih Silence Strike tuahding cu ralhrang nih an tih tuk, kanmah mipi lei nih cun tihphannak a um lo, a lamkip in ralhrang uk duhlonak cu kan langhter ko lai,” tiah mino pakhat nih a chim.

Ralhrang phu hna nih nawlngeihnak an laak kumkhat tlin ni ah ralhrang uk duhlo langhter in mipi nih silent strike cawlcanghnak tuah cu a voi 3 nak a si i, a luancia voi 2 zong ah khan Ayarwady ramthen chung ah ralhrang phu hna nih duhlonak langhternak ah i tello ding in tlerhkhonhnak a rak um nain, mipi cu ralhrang uk duhlo cawlcanghnak ah an i tel thiamthiam, tiah theih a si. Mizzima, The Chin Post

Be First to Comment

Leave a Reply

Your email address will not be published. Required fields are marked *