Refugee Caah Thawngpang Tha Taktak A Chuak Cang E GOOD NEWS
Ram tha kal ai timmi vialte hna, Nan tha nuam ko uh. Biden nih refugees 1,20,000 a lak la. Cun, Canada nih 1,00,000 le Australia nih 50,000 an lak hna la ti thawng ka rak theih. ka tha a rak nuam tuk e.
Nai hrawng i Malaysia i a hong tlungmi hnaUNHCR i min ai pe manh mi hna cu arannak in kal nolh hna u. New Delhi in a hngakmi vialte hna zong, thatho tein hngak peng ko uh. Yangon in a hngakmi hna zong nan tha chia hrim hlah uh. Nan dihlakte caah can tha ai hong ko la hih.👍👍👏👏 Tumtling Tualzik
Thawngpang dang relchap >>>>>>
Vawi 2 A Thi I Vawi 2 An Phum Hnu Ah
Minung cu veikhat long thihding a sinain,17th century lio ah vawihnih a thi mi an rak um. 1695 kum ah UK ram i a um mi chungkharnu Margorie McCall cu a dam loh. A khuasik i a taksa a phing dih, sii thatha an pek lengmang nain thatlei a panh kho bak loh i a thi.
A pasal nih a pek mi zungbunh manfak mi pawl ai bunh i a chungkhar pawl nih vuichih ding cun an ui deuh ruang ah lakpiak an timh. Asinain, a kutdong pawl cu an phing dih i an phoih kho loh. Hilio can ah hin mifir an tamtuk lio a si.
Thlan hlai hmangmi an um i, mithi thlan pawl hi an hlaipiak tawn hna i rothil an phum mi pawl cu an lakpiak tawn hna. Margorie McCall zong a zunbunh he Shankill Graveyard thlanmual ah an phum, a zanah cun mifir pawl nih a thlan cu an rak hlai taktak.
Asinan, a kut i zungbunh ai bunh mi cu an lakpiak khawh lo ruang ah minung pakhat nih nam in ah- piak a timh. A van ah piak i a thisen a chuah bak in a nung than. A van tho ciammam i a thu cuvial ah cun mifir pawl nih an tih tuk caah a lu tawsam hngal loin an zam tak viar.
Mifir pakhat cu a tih tuk ruang ah a zam kho ti loh i lamlai bak ah a tlu. Margorie McCall cu thianghlim tein ai tamh hnuah innlei ah a va tlung. A inn kutka a va kingh i a pa nih nanu dam lio i a innka kingh thawng bak a si ko tiah a rak ti hna.
Innka cu a va onh i a thilhmuh mi cu a lau tuk ruang ah a zum kho loh i a tlu. Cuticun a nupi nih vun thilsining cu fiangten a chimh hnuah hmunkhat te cun an um ti than.
Caan saupi chung hmunkhat an um ti hnuah fa zing pakhat an nei than. Cu hnucun, a zaw than i a thi than sinain, awlten an phum colh ti loh a hnuah a thi taktak cang ko an ti hnuah cun, Shankill Graveyard thlanmual ah an va phum than. A thlan cu tuchun tiang an va zohthan lengmang tawn. (BBC)
