Press "Enter" to skip to content

Rev. Dr. Rual Uk Cu Pathian Riantuantu Le Pastor Kong An Hal Tikah A Leh Hna Ning Hi Uar A Um Tuk

Cantling Pathian rian tuan mi le Pastors rian tuantu hna nih miphun tanh tuk le vawlei lei rian tanh hi hi zeitindah na ruah tiah Rev. Rual Uk cu biahalnak an tuah tik ah mah ti hin bialehnak tawi taktak in a tuah hna.”Rev.Ruak Uk nih cun mah tin a chim,

tawi tein chim fian hi a tha ko Cantling Pathian rian tuan mi le Pastors rian tuantu hna nih miphun tanh tuk le vawlei lei rian tanh hi cu an hrinthan/pianthar lo caah a si ko,an i chuahpi mi lungput kha Khrih lungput in thlen rih lo mi an si caah cu bantuk rian an tanh nak cu a si ko” tiah bialehnak a tuah.

Relchap; Salai Van Biak Thawng le Salai Van Lian Cung Ti Ah An Nunnak Liam, An Ruak Hmuh Asi Rih lo. Malaysia, Port Dickson rili ah Salai Van Biak Thawng (Malsawm khua) le Salai Van Lian Cung (Tinam) hna cu

khuami hna he Christmas hmannak an tuah cuahmah lio ah vaanchiat ah an pahnih in ti nih a dawp hna i an tlau, an ruak hi kawlhlai cuahmah lio asi tiah khuami sinin kan theih. Crd; TFT

SAC Ralhrang Nih ICRC Thonginn Chung Luh Nak Nawl An Pe Rih Hna Lo. Thong chung ah luh i va chek hlat dingin ceihhmai nak voi tam ngai an ngei cang nain luh nak nawl an kan pe rih lo tiah ICRC nih thanh nak a tuah.

December (10) thong chung ah Silent Strike ah a tel mi mizapi(89) cu an tuk velh hna pin ah i thlopbul nak nawl an pak hna lo mi kong ah ICRC cu kal in chekhlat nak tuah ding in mizapi nih an hal lio ah ICRC nih thanh mi a si.

Tuan deuh ICRC thanh nak ah Covid zawt nak ruang ah thonginn kal hi 2020 March thla in kan i din tiah an thanh. Cu hnu in thonginn chung luh i chekhlat ding ah nawl ngei tu hna he ceihhmai nak um ko nain luh nak nawl an pe rih hna lo tiah theih a si.

Silent Strike tuah ruang ah an tuk velh mi hna cu thlawp bul an hau i thin phang a si mi zong an um tiah theih a si. Cu caah thonginn chung ah Human Right a um lo ning hi a ran nak in chekhlat ding ah ICRC cu thonginn ah va kal ding in mizapi nih an fawrh fial hna. #People’s Spring

Relnolh: Magwe ramthen, TaungDwinGyi Peng,Tapipin khua te ah Guitar tum pah in Fudum hngah pah ah twetitsa ti mi hla an sak ruang ah minung 7 cu December 17 chun suimilam 12 hrawng ah ralhrang nih an tlaih hna tiah thawng kan theih. Khua mi pakhat nih” Dacember 16 zaan ah khua pawng ah hngakchia pawl nih fudum hngah pah ah guitar tum in twetitsa ti mi hla an sak mi cu duh lo nak an lanh ter tiah khua uktu le dalaan nih ralhrang sin ah an chimh hna. Khua hngakchia deuh a si mi tlangvaal pawl le Nungak 7 cu an velh hna i an tlaih hna.

Rallokap pawl nih khua chung inn pawl zong ah an lut i sui, tangka le cycle pawl, phone zong an ii lak” tiah a chim. ChinTapipin khua i inn pawl cu ralhrang minung 100 hrawng nih an luh hnawh hna caah khua i a um mi mino cheukhat zong a him nak hmun ah an zaam ii ralhrang pawl nih khua luh nak lam in lam an kham tiah khua mi pawl sin in kan theih.

” Khuachung ah cun tar deuh lawng an tang cang. Khua uktu le dalaan nih mah khua mi ve ve a si mi cu har nak ii pek ding a si lo. Tu cu kan zapi in har nak kan ton cang” tiah a zaam mi pawl nih an chim. Khuami pawl tlaih khih an ton nak kong he pehtlai in TaungDwinGyi khua palik camp Kan hal tik ah ” mah kong he pehtlai in kan theih mi a um lo. camp zong ah an phan lo” tiah tuanvo ngei tu nih an kan leh.

ChinTapipin khua telh in a pawng kam khua pawl zong nih tu lio cu fuulak caan a si caah khua ii mino pawl an zaam dih caah kan ii harh ngai ngai tiah khuami pawl nih DVB ah an chim. Crd; TCP

Be First to Comment

Leave a Reply

Your email address will not be published.