Press "Enter" to skip to content

Rev. Dr Thlaawr Bawihrin CBC USA’Ka mang chia tuk’Chinram le miphun him tar tu hodah silai.

Ka mang a chia tuk i kaa thangh ahcun,Chinram asi mi, Cho miphun khua, Ghui Kyum, Kawl nih Shwe Aungthar Chin khua cu Magwe peng ah an telh’ ti FB ah ka hmuh ko.

Chin uktu nih Chin ram le Chin miphun Sagaing le Magwe peng ah maw an kan caan ter dih ne lai?
Mizoram um kan Chin unau hna cu Assam peng nih an ram pe khat hmanh chuh kho lo dingin, an nunnak in an ram an ven. Zeitindah kan si lai’Chinram le miphun a him tertu ahodah asi lai? Ghui Kyum khua kongah ritte thi bantuk in maw kan um ko hna lai?

A tang hi Dr SaSa biachim mi kha a si:

Dr. Sasa: Federal democracy ka duh ruangah NLD ah ka lut. Tulio Chin ramkulh NLD nih an i bochan bikmi le NLD nih biatak tein an hmanmi Dr. Sasa cu The Chinland Post nih bia an halnak ah tihin a chim.

“Kan kawl chung ahhin Democracy caah Suu Kyi tluk in a cawlcang mi an um lo. Nuam tein US ah a um kho ko. Nuam tein British zong ah a um kho ko. Sinain a rawk tuk cangmi kan ram remh a duh ruangah a tar tiang fak piin ai zuammi a si.

Cu raung ah NLD nih an duhmi hi federal democracy a si. Kawlram pumpi dihlak in tlangcung mi he Kawl miphun he kan i zuam i NLD ah kan dir i kan tan ahcun federal democracy hi kan ngah khawh ko lai.

Kan ram ah federal democracy a chuah khotu ding cu NLD lawng an si. Ho poh nih hraimtlai zong nih federal kan duh dih. Cucu NLD nih biatak tein ai zuam mi le ai tinh mi a si.

Kan ram kan miphun daihnak le thachonak ding caah NLD hi a biapi bik a si i daihnak a duhmi an si. Kahnak a duh mi an si lo. Federal democracy a duh mi le ai zuammi an si caah NLD ah ka ummi hi khuaruahhar ding a um lo. Ka um awk le ka tan awk a si ko.

Be First to Comment

Leave a Reply

Your email address will not be published. Required fields are marked *