Press "Enter" to skip to content

Rev. Lian Ci (kum 57) cu nihin (July 18) zinglei sml. 5:30 hrawng ah Monywa sizung ah a nunnak a liam Than E>>>>>>

Chindwin Valley Baptist Mission Secretary Rev. Lian Ci a Nunnak a Liam
——–

Chin Baptist Association North America (CBANA) nih Chindwin Valley Baptist Mission ah Secretary rian an khinhmi Rev. Lian Ci (kum 57) cu nihin (July 18) zinglei sml. 5:30 hrawng ah Monywa sizung ah a nunnak a liam.

Rev. Lian Ci hi 1980 ah CBC nih a rak tuahmi CCOC Mission rian zong ah Thlanglei Laitlang ah an rak thlahmi a si.
The Chin Journal
July 18, Yangon
Tuluk ram ah pasal a ngei mi Lai nu pehtlaih khawh a si ti lo ca ah chungkhar lungre a thei
______________________________________________

Kalaymyo, Tahan in Tuluk ram ah a kal hnu ah, Tuluk ram Yunnan Porvince ah pasal a va ngei mi nu Sung Tin Par cu pasal a ngeih hnu in pehtlaih khawh a si ti lo ca ah chungkhar lungre thei in an um.

“Ka nau hi Tuluk ram ah nulepa lungtlinnak tein pasal a ngei mi a si ko nain puai an tuahnak ah cun kan i tel kho lo. A thawng kan theih ti lonak hi 2020 June thla in a si cang. Amah zong kan pehtlai kho ti lo i, a pasal zong kan pehtlai kho ti lo,” tiah a unu a si mi Nu Van Iang Zi nih The Hakha Post ah a chim.

Nu Sung Tin Par cu kum 19 a si i Kalaymyo, Tahan um Zaangtlang khuami Pu Thang Kuk le Pi Sui Meng hna i an fanu a si. Tahan a chuah taaknak hi 2019 in a si tiah a chungkhar sin in kan theih.

“Kan si khawh tawk kan hlat lengmang nain a kong kan thei kho ti lo. Kan sin zong ah a rak tlung ti fawn lo. Kan i ruahchan mi cu, pakhatnak ah Pathian a si i pahnihnak ah Tuluk ram um a hawile Laimi nih an theih ve i an kan pehtlaih nakhnga hi a si ko,” ti zong Nu Van Iang Zi nih The Hakha Post ah a chim.

Nu Sung Tin Par a thawngpang le a umnak a thei mi nih, phone number +917085074876; Whatsapp +919863352974; Sarah Vaniangzi Facebook Account https://www.facebook.com/par.pari.733 ah siseh, The Hakha Post Facebook Page chat box le hakhapost@gmail.com pakhatkhat poh ah pehtlaih le thawng thanh ding in chungkhar nih bawmh halnak an tuah.

Hmanthlak: Nu Sung Tin Par le a pasal hmanthlak an si.

Crd: The Hakha Post

Be First to Comment

Leave a Reply

Your email address will not be published.