Press "Enter" to skip to content

Rev. Za Mang Hi Uar Um Bak : Biden Cawlcangh Nak Caah Ka Chawva Neih Mi Hi Vawi 12 Bak Ka Thawh Ve Cang

USA i pastor a tuan mi Rev.Za Mang Mualcin nih cun tutan US rampi i thim nak ah Biden cawlcang nak caah chawva vawi 12 bak a rak thawh ve cang nak cu a mah pumpak cahmai ah a chimphuan i US President hrang Joe Biden a tlin ruangah a lunglomh nak le a thlacamnak a hlawhtlin nak kong zong a chim chih.

Rev.Za Mang Mualcin cun miphun thleidan nak a tam tuk USA ramah midum , mingo, Achia ti bantuk thlendan nak zong um ti hlah seh timi ruangah Biden a tanhnak a ruang zong a chim chih i US um mi Chin miphun zate Secondary Citizen an si ding zong hi ka ruat ngam loh, cun, a duh zong ka duh loh tiah a chim chih.

Rev.Za Mang Mualcin nih cun “Kan riahcaw umnak ah kan thinlung a um i kan thinlung umnak ah kan riahcaw zong a um. US rampi ithim nak hrang ah Biden cawlcangh nak ah vawi 12 bak ka chawva ka thawh ve. Taksa vun ruangah miphun thleidannak ram i US chuahter ding cu ka ruat ngam loh.

Ka fale, ka tule pawl Secondary citizen an si ding cu ka ruat ngam loh. Ka thlacamnak Pathian nih a tlinter timi ka zumh. Freedom of Choice is the core value of democracy. Tu ni thokin Biden cu dikngai in US president tuan dingah American mipi nih an thim cang. Pathian nih vice president hrang thim tlin mi Kamala Harris he vawlei pi remdaihnak hrang ah hmang hramseh,” tiah a ti.

US i a um mi Chinmi tampi zong tutan US rampi ithim nak ah an vote mi le an duh mi ai khat cio loh i, Trump ai molh pi mi a tanh tu an um bantuk in, Biden rak dirpitu zong an um ve. Tanhmi le duhmi ai khat lo mi dirhmun ah an tanh mi, an duhmi hrang veve ah thlacam nak zong an neihpiak hna Credit: Vapual Auaw

Be First to Comment

Leave a Reply

Your email address will not be published. Required fields are marked *