Press "Enter" to skip to content

Rialti khua pawng ah ruak hmuh mi hi CNF/A a luut i Bo khat kan pek mi a si: Salai Htet Ni

Nizaan October 23, Falam Peng, Rialti khua ah ruak pakhat an hmuh mi cu CDM a tuah i CNF/A a luut mi Siibawi cawng lio Naing Htoo Lwin (kum 20 hrawng) Kawl Ralkap nih an kahthah mi a si, tiah kan theih.

“Amah hi Magway khua in CDM a tuah mi Siibawi final year a cawng lio mi Naing Htoo Lwin a si. Bo khat rank kan pek mi a si. Falam Peng kahdohnak ah aa hliam mi an um sual ah tiin thlopbultu ding ah a kal. A hawile an rak kir tik ah anih aa tel lo. Phone kan chawnh i voi 1 cu a tlaih nain a hnu ahcun phone a tlai ti lo. Kawl ralkap nih an thah mi a si ko lai,” tiah CNF Chimnak Nawlngeitu Salai Htet Ni nih The Hakha Times ah a chim.

Kan hnulei zarh chung ah Kawl Ralkap nih Rialti khua an inn 100 ning in an khangh i ralzaam dirhmun in atu hi an um, tiah kan theih. The Hakha Times

Be First to Comment

Leave a Reply

Your email address will not be published.