Press "Enter" to skip to content

Rihkhawdar Khua i Pu Kap Hlei Piang Lu A Tan u Pa Biachim Cu A Rapthlak (+Video)

Vawleicung i tih a nungbik mi le mipi nih an tihbik mi cu biaknak lei kalsual a si .Biaknak lei a kalsual mi pawl nih hin vawleicung hi buainak tampi an pek i mithah le lainawn vialte zong a chuahphah nak a si . Nizan naite i thawng kan rak thlah cang bantuk in Rihkhawar i MRTV lei riantuantu Pu Kap Hlei Piang cu mindat pa nih a hngawng a tan .

Rihkhawdar upa pawl nih mithat pa hi an tlaih khawh cang i a umnak le a riantuan mi pawl an hal tik ah Tluangtea riantuannak lungrial nak ah a tuan vemi a si tiah ai chim. Thah a tong tu Pu Kap Hlei Piang hi Sungdo khuachuak a si i a riantuan nak MRTV lei a si caah Rihkhawdar ah a um mi a si. A Mah hi mi daidam le mi holhtlawm mitha te a si tiah a riantuanpi hawile pawl nih cun an chim.Pu Kap Hlei Thang hi fa 2 a ngei i a chungkhar le a nupi zong tulio covid-19 ruang ah ruakvui hmanh ah an ra kho lo ti a si .

A thattu Mindat pa hi thinlung lei a tlamtling tuk lo mi a si i lungrialnak hmun ah kumkhat hrawng riana tuan cangmi a si. Mi a thah ruang ah a cung ah biaceih i hremnak pek ding a si tiah kan theih .

Bia an hal i a can ah keimah lawng nih ka that lo a ti i a can ah pathian nih a ka fial ruang ah ka thahmi a si tiah a chim fawn ,Bible zong ai ken ti a si .Ai phuan lio zong ah a mithmai zoh tik ah ai chirmi zong a lo lo i a zeipoi lo mi tu a lo ti a si i hi bantuk minung hi tih an nung tuk ti a si. chinlandtodaynews siannak in lak mi a si.

Be First to Comment

Leave a Reply

Your email address will not be published. Required fields are marked *