Russia President Putin Nih A Thlithup In A Nei Mi Tilawng 700 milions Man Cu An Van Langhter Cang.

hi tilawng hi superyacht tiah an ti i a man fak tuk mi a si,cu caah cun hi bantuk a nei mi poh cu a nei tu hi chim le theih an si loh,biathli asi cutik ah a tu bantuk in PUtin nih a nei tikah cu hlan ahcun biathli asi i a neih ti thei a si lo,nain nai ah tilawng a mawng tu a zoh khenhtu nih BBC news ah an hun langhter tiah thawng theih asi.

hi tilawng hi Italy ram rili ah hman mi asi i,a tu bantuk in Russia nih ukraine a tukdoh ruangah an van hlathlai a nei tu a ho dah a si tiah an hun kawl tikah,italy nawlnei pawl nih a neitu hi Russia president putin a si ko lai tiah zumhnak an nei caah an hun langhter,cu tikah a zoh khentu nih fiang tein Putin ta a si ko tiah a chim.

cu tik ah a tu hi cu tilawng cu ting le tlaih a si lai tiah thawngtheih a si,a ruang cu putin hi vawlei cung nih sual phawt in an sipuaizi vialte block piak dih a si bang in hi a tilawng zong lawlawlse an tlaih lai tiah theih asi,cucu italy investigator pawl nih an mah nih an tlaih ngam lo caah europe nawl neihnak ah an pek tiah theih asi, cu tik europe lei nih a tu hi an control chung rih tiah theih asi.

Thawngdang relchap….Kachin ramkulh, Mansi (မံစီ) Peng, Minekong khua pawng ah March ni 8 zing Sml 10:00 hrawng ah KIA le PDF phufonh hna aa bawm mi le SAC ralkap karlak ah kahdohnak a chuak, tiah khua mi hna nih an chim. “Nihin(march8) Zingka Sml 10:00 in kahdohnak cu an thok i, hriamngan le hriamhme kah thawng hna pehzulh in a thang. SAC ralkap hna zong tampi an phan,” tiah Minekong khua mi hna nih an chim.

Kahdohnak a chuahnak hmun Mansi ( မံစီ) peng, Hanhtet (ဟန်ထက်) khua Manaw Hari Setitaw (မနောဟရီစေတီတော် ) kulh chung ah umhmun a khuar mi SAC ralkap hna cu ralkap thazaang 100 leng an kai, tiah khua mi hna nih an chim. Kaphnih in kahdohnak ah hliamtuar mi kong cu theih khawh a si rih lo. Kahdohnak a chuahnak pawngkam khua mi hna cu Minekong Biakinn le IDF ralzaam sakhan ah an zaam dih hna, tiah theih a si.

Kachin ramkulh, Swe Ko ( ‌ေရွှကူ) peng um Simaw ( စီမော်) khua le Manwaing( မံဝိန်း) khua karlak zong ah March 7, zanlei Sml 3:00 hrawng ah SAC ralkap hna le KIA, Swe Ko PDF phufonh hna karlak ah kahdohnak a chuak, tiah theih a si.

Kahdohnak a chuah hnu suimilam cheu chung ah hriamngan thawng le meithal thawng cu pehzulh in a thang. SAC ralkap lei in a tlawmbik 3 an thi i PDF lei in pakhat hliam a tuar, tiah khua mi pakhat nih a chim. KIA le Swe Ko PDF phufonh hna nih thawng an thanh cia hna caah khua mi hna cu an zaam manh i hliam a tuar mi an um lo, tiah theih a si.CRD THE CHIN POST