Press "Enter" to skip to content

SAC ralbawi pakhat tel in minung 7 cu hmunthur sanhnak plastic bawm in an ruak tuam, an hlonh sawhsawh hna

SAC ralbawi pakhat tel in minung 7 cu hmunthur sanhnak plastic bawm in an ruak tuam, an hlonh sawhsawh hna
==============================
October 20 lio KNLA nih a kahthah mi hna, caankarlak Battalion Commander a si mi Major Than Win Tun le a kuttang minung 6 cu hmunthur sanhnak plastic bawm in an tuam hna i an ruak cu Thanphyu-Zayat thlaanmual ah an hlonh sawhsawh hna. The Hakha Times

thawngpang dang relchap : China Nih Taiwan A Kah Ahcun US Kan Um Sawhsawh Lai Lo: President Joe Biden

US President Joe Biden nih China nih Taiwan a kah ahcun US hi kan um sawhsawh lai lo. Taiwan cu kan huhphenh lai tiah Oc 22, tuni ah a chim.

CNN Town Hall he biaruahnak ah Taiwan cung i US nih a ngeihmi policy bantukin US nih Taiwan hi na huhphenh lai maw timi biahalnak kha President Biden nih a lehmi a s. Biden nih cun “Taiwan he biakam le hnatlaknak kan ngeihmi a um” tiah a chim. Taiwan lawng si loin US nih kan hawikom ram hna cu a herhning in kan dirkamh peng hna lai tiah a chm fawn.

China nih Taiwan a hnorsuanmi le a thihphaihmi kongah US cu a zeihmanh a ti ruam lo. President Biden nih cun “China, Russia le vawleipi nih hin US cu a luanciami tuanbia ah a thawngbik mi ralkap a ngeitu kan si hi an i fiang ko. US nakin an thawng deuh lai tiah na lungre hlah” tiah a chim.

Biden hi US President a tuan thok in ramdang president hna nakin China president he an i chawnhbiak a tam deuh, tiah caah ramkhel thiamsang cheukht hna a si cu China-US karlak ah raldaih caan (cold war) aa thok cang lai tiah an chim.

Hi kong pehtlai in US President Biden nih “China he cold war tuah kan huam lem lo. Asinain atu tiang US nih China a hmuhning cu amah kel a si, aa thleng lo ti hi thei hna seh ti ka duh” tiah a chim fawn. Ref: Delta News Agency. Credit : The Chin Post

Be First to Comment

Leave a Reply

Your email address will not be published.