Press "Enter" to skip to content

SAC Ralhrang Hna Cu Nikhat Hnu Nikhat Tumchuk Lei An Panh Caah An Nupi Le Tiangin Raltuk Kal An Hau Cang Hih

Ralhrang nu pawl zong biatak tein ral an tu ve cang lai. Min Aung Hlaing nih nawl a pek cang hna. Min Aung Hlaing hruaimi Kawl uico ralhrang pawl hi kum khat leng an kal cang i a thimi le hliamtuar mi an tamtuk cang. An ralkap thazang a der tuk cang. Cu ruang ah a tu cu ralhrang nupi le pawl le an fale pawl zong biatak tein ral an tu ve cang lai tiah theih a si. Min Aung Hlaing nih nawl a chuah cang.

A hlan deuh ah khan ralhrang nupi le pawl le an fale pawl cu ralkap tintan an rak pek dih cang hna. A tu cu ralram ah kal in ral an tu ve cang lai ti a si. Cheukhat nu pawl zong sakhan an hngak lai i cheukhat nu pawl ralram ah ral an tu ve cang lai ti a si. Pa an i deih kho ti lo. Min Aung Hlaing nihcun nanmah le nan sakhan cio kha him ding in i veng uh. Sakhan pakhat an in kah hna tikah a dang ralkap nih rak bawmh a har tuk cang.

Cu ruang ah nanmah le nan sakhan cio kha a si khawh chung in nan kilven lai tiah a ti hna. Ralhrang pawl nihhin ralram ah va kal in ral a va tuk kha an si kho ti lo. Sakhan pakhat le pakhat vai thial luklak lawng khi an rian cang. Tlangcung miphun ram ahcun an sakhan chung lawng ah an i thup ko cang. Khuate zong ah an kal ngam ti lo. Ralhrang pawl nihhin ralram ah va kal in ral a va tuk kha an si kho ti lo.

Sakhan pakhat le pakhat vai thial luklak lawng khi an rian cang. Tlangcung miphun ram ahcun an sakhan chung lawng ah an i thup ko cang. Khuate zong ah an kal ngam ti lo. Cu ruang ah Min Aung Hlaing nihhin ralkap thar tampi a ngeih khawhnak hnga a lam phunphun in ai zuam i a kawl. Thongtla pawl an duh lo buin ralkap ah a luhter hna. Ralkap nupi pawl ral a tuk ter hna. Ralkap fale pawl ral a tuk ter hna. Credit; LRM

Thawngdang Relchap>>>><<<<< Chin miphun, “Pumh Khrihfa” lawng kan si sual maw? Chinmi (Laimi) nih kan Khrihfa biaknak cu nitin kan nunnak ah kan i nunpi khawh lomi kong ka ruat tik ah aruang pakhat a si rua tiah ka ruahmi cu kan pumh caan a sau tukmi hi a si. Khrihfa kan sinak vialte cu saupi pumhnak kan tuahmi ah kan i rinh dih, kan bungh dih. Mah cu a za tuk cang tiphun in kan ruah. Phundang kan chim ahcun saupi pumh kan hmangmi kha kan i rinh dih.

Nitin kan nunnak zongah a hei huap dih ko tiphun in kan ruah. Mah tik ah a phichuak cu nitin kan nunnak ah kan Khrihfa cawnpiak nak le zulh ding tete zong kan zul duh tawn ti lo i kan i nunpi duh ti hna lo. Zarhpi ni ah saupi ka pumhmi kha a za diam cang ko tiphun in kan ruah peng. Laimi caah Khrihfa biaknak a sullam hi pumh vial lawng in kan i fiang rua ka ti/kan kal pimi a lo. Nitin kan nunnak ah duh poah in hei tlonlen.

Chinmi Khrihfa cu “Pumh Khrihfa” ti vial lawng zong in auh khawh kan si. Khrihfa biaknak a sullam cu pumh vial lawng cun teh a za maw?/a huap dih kho maw tiah biahalnak zong tuah khawh a si. Biakinn chung i caan kan hmanmi le phungchim le tuahsernak a dang tete hna zonghi thuk deuh le fak deuh in kan ruah tthan hna ah a ttha lai tiah ka ruah keicu. Pumh vial lawng in Khrihfa sinak a fiangmi kan lo.

Nazi pa 2 le cheu chung hna kan i pum kho cu mu. Neng dih le vuai dih lak in kan i pum i mah cu zarhkhat chung caah a za cang tiphun in kan ruah/kan kal. Miphun dang cu sullam nei tein le hmual nei tetu in nazi pa 1 hna an i pum i an vuai lo, a neng hna lo tik ah zarhkhat chung an nunnak zongah Khrihfa sinak cu an i nunpi peng huam i an zulh huam peng.

Tawi deuh tein i pum ve uh sih law, neng lo le simh lo tein, sullam nei le hmual nei tetu in i pum fawn hna uh sih law, cuticun zarhkhat chung ni dang ni 6 chung zongah Khrihfa cawnpiak nak le i nunpi dingdang tete zong kan i nunpi kho deuh lai tiah ka ruah/ka zumh. Zarhpi ni hman nuam dih uh. Credit: Van Tum

Be First to Comment

Leave a Reply

Your email address will not be published. Required fields are marked *