Nihin ah Yangon/Mandalay kal ding Hakha Maan motor (ဟားခါးမန်း) ralhrang nih an tleih tthan hna ii kawl khuapi lei a kal ding mino 42 an tlaih dih hna. Tuhi Sakhan ah an kalpi dih hna i, an phone an check piak hna lai, an phone a thianhlim si cun an thlah te ko hna lai. Credit; Salai William HC
Thawngdang Relchap>>>>><<<< Chin Mino Lawng Nih Puahceh In Ralhrang Kan Rak Kah Lio Caan, Kawl Ralhrang MAH te Rallokap hi KAN TEI LAI tiah zaa ah zaa kan chim khawh lailo nain, Kan SUNG LO hrimhrim ti hi cu ka hngalh. Sihmanhsehlaw KA ZUMH MI KA HNGALH timi Mithiang PAUL Roling bia kha. CHINRAM Mindat le Kalay ah Lai Methal Puahceh in kan rak doh lio hna kha,
Vawleipi an khuaruah a har dih can kha, Kawlram ah ahohmanh nih meithal in an kah ngam lo lio, CHINMI lawng nih Ralhrang Rallokap Puahceh in kan kah ngam kha, Chin miphun lawng nih kanmah lawng bak in, Meithal in Rallokap kan kah hna caah, GZ mino vialte nih hriamtlai in doh awk ah planning an ngeih khawh ve. Paucan Dohthlennak thawk tu cu: CHIN Miphun an si tiah tuanbia ah a hmun zungzal canglai. NUG nih PDF an ngeih hlan,
Moyne kip LDF an um hlan, Chinram le Kalay ah CHIN MIPHUN nih Puahceh in Rallokap an kap mi thawngpang tluk in an rak duh mi aum lo kha kan cing cio lai dah Unau hna. Kawl ram um miphun vialte, an um nak ram cio in CHIN miphun lawng lawng an rak kan cuanh lio can te kha, khuaruahhar in kan tuah dih hna lio kha, Vawleipi News kip le Social Media kip ah CHIN MINO GZ hna konglawng te aa zelh lio can te kha.
CHINRAM ah Rallokap Puahceh in kahthat thawng dah ti lo cun, News dang ngaih an duh lo lio te kha, Miphun dang hna umnak ahcun Dalaan lawng an thah rih hna. Meithal in an kah ngam rih hna lo. Rallokap tu nih Sniper, RPG tiang in an kan kah lio can te kha, Cu Dalaan Thatnawn nak thawngpang nih lawmh nak in a khah ter hna, Kawlram miphun rual cu. Mipi harnak pektu a covo cu kha kha pei asi cuh kan rak ti cio lio can kha.
GZ Mino hna nih CHINRAM ah Rallokap an kahthat hna ruang ah GZ nih Hriam an tlai ti cu Vawleipi hngalh mi asi. Cu hnu cio lawng ah Miphun dang GZ nih EAOs sin an kal I Raltuk thiamnak an va cawn. NUG le ICNCC Nih Ralkap an ngeih khawh lo can te kha. Tidan an dih hnu ah Khuapi hmun cheukhat ah Rallokap an tuk lio ah khan, Thaizing kiptuh ah TEINAK kan hmuh lai tiah a mi kip zumh cio a rak si lio te kha.
22222 Ni ah CDMers Cozah rianṭuan 4000000 leng nih Sandap piah lio kha, Kuan bak in kahthat lio kha, RPG bak in an kan kah lio kha, RPG le Rallokap meithal le kuan I khamh nak caah, Larva Ṭangphaw te he, ṭihnak pelte hmanh ngeih loin kan chuah hnawh ve hna lio kha, Mah le riakcaw te he EAOs sin ah Tidan kai kan I thawk, Khuapi pakhat hnu pakhat lak awk ah Mipi Ralkapbu CDF PDF LDF in kan rak kir hna.
Rallokap sin ah kan thisen man hal awk ah le kan phuhlam awk ah kan rak ra cang ko hi. Dohthlennak KAN TEI hrimhrim, MAH a thih hrim cang tiah zumh fek nak, kan rak ngeih lio can zong asi. Cu lungput cu Nihin tiang a tlau khawh ve bak ti lo. Cu ni thawk in Nihin tiang MAH sin thisen man cawhtu le phuhlam tu GZ mino hna nih dongcat loin Raldoh zungzal asi caah, Paucan Dohthlennak TEI LO khawh lo asi tiah 100% ka zumh bak. Na tei ṭung lo nan kan ti ko lai nain, kan sung khawh lo hrimhrim tiah kan leh ve bak ko hna.
Adih cia mi Kumkhat le tukum epchun in cuaithlai tikah, ruahbang khawh lo tiang in GZ Ralkap kan ṭhancho ti cu elh khawh lo asi ko. Hriamnam Dohthlennak atuah tu hna tuanbia zoh tikah, Kawlram Paucan Dohthlennak tluk in can tawi te ah a lamkip in a ṭhancho mi an um rih lo, Vawleipi ah. Paucan Dohthlennak tlukin miphun a tlin mi le mipi I teltumnak aum bal rih lo. Zeiruangah dah nan tei lailo nan kan ti hnga, Ka khuaruah bak ahar ko.
EAOs hna I tlukin an lung aarual bal lo. Federal Ramkomh dirh awk ah hi tluk in kan cawlcangh ballo I, kan lung a tho ballo. Mipi, EAOs, GZ Ralkapbu, CDMers, Mipi vialte nih lungtho tein Ralhrang doh can aum bal rihlo. Ramdang le UN level tiang in Kawlram mipi an kan bawmh bal rih lo. Aazuam cawhmi cozah zong NUG tlukin a thawngṭha mi aum bal rih lo.
CDMers ah 80% asi I pakhatnak asimi CHIN MIPHUN, Hriamnam in Ralhrang a kah hmasat tu CHIN MINO, tbk vialte kha nan kan philh piak, CDF kha PDF ah thlen lo ahcun, NUG kuttang aum lo ahcun, Zeihmanh bawmh lo ding timi policy hi Ralhrang policy le mumal asiko lo maw ka ti. NUCC le ICNCC cu Kawlrim namh ter I, kan mah loin CHIN Cozah nan dirh khawh lo nan kan ti rih mi hi, khuaruah har minung cu nan rak si hrim ko.
Federal zong nan piang fawn lo. AA le Rakhine hlan ah CHINRAM Federal uknak a thawk ter khawh lo tu hi NUG, NUCC, ICNCC, PDF le Kawl Party Luban CHIN MI nan si ahcun Tuanbia tazakhan nan si ko dakaw. Hi tluk dirhhmun le TEINAK zeimawzat kan hmuh hnu ah hnu khirh awk a ṭha ti lomi, CDMers, Mipi le Kan Ralkapbu CDF kan si caah, Tam lo tein hngak ko usih,
Arau hlan ah TEINAK cungnung he Lungrawn khua lutṭhan can anai cang. Mah kutke le mah fimthiamnak, Ma Pahrang cio le nunnak thisen in Kan ram le miphun dam ter in khumzual awk ah PATHIAN nih an kan timhmi asi tiah cohlan ko hna usih. Pathian thiltum tlawlh lo I zuam cio sih. Crd; Zingtincuai Cinzah
Be First to Comment