Kyaukh Tan PDF chungtel Ko Chian Min Naung cu SAC ralhrang ralkap nih zohchia taktakin an hrem! Crd: New Myanmar….. Relchap thawmgdang: Mandalay ramtthen, Myinchain (မြင်းခြံ) ah SAC ralkap nih titoih puai an tuahnak donhhlei cu titoih puai nihnih nak April 14, zinglei suimilam 11:40 hrawngah tualchung PDF phufonh nih bomb lung 3 an puahhnawh hna tiah theih a si. SAC ralkap le pyusawthi i an Sniper pawl le dalan pawl hmunhma an laknak hmun zong a hlatnak in hmehmi bomb in an puahhnawh hna.
”Donhhlei cungah zurit in a laam mi mibu sin ah bomb puahhnawh a si lo, cycle ah mine hmanh in donhhlei pawngah kan chiah, cu hnu ah lamhlat in kan hmeh hnu ah cu bomb cu a puak” tiah 27 Revolution Force in tuanvo ngeitu pakhat nih a chim. Puahkehnak a chuah hnu ah, SAC ralkap hna nih an meithal an puah, Puahkehnak a chuah ruangah,
SAC ralkap lei in minung 13 hrawng hliamh an tuar, mine pawl a puakding a um rih caah mizapi hna nih donhhlei pawng umkal lo ding in 27 Revolution Force nih rialrin peknak tuah. Hi puahkehnak a tuahtu phu hna cu 27 Revolution Force, Myaung PDF (MSPDF) le Mayelatt phu hna an i tel tiah theih a si. Credit; The Chin Post
Kalay peng Nanchaung khua inn hna cu SAC ralkap nih April 13 ah an bauh i thilri zong an fir piak hna. Pyidawta khua ah i kahdohnak a chuak i hnu an kir lioah, Pyidawta khua in nichuah lei Nanchaung khua leiah an lut. Biakinn chiah ding tangka an i khonnak thingkuang pawl zong an bauh i an laak hna. Thilri an fir mi zat tucu hngalh a si rih lo tiah Zalen nih a langhter.
Minung 400 Tiang Hmunkhat Ah Umṭi Khawh A Si Tiah Rak Timi Cu April 17 Thok In Hnawh A Si Cang Tiah Ministry Of Health Department Nih Thawngthanh. Ministry Of Health Department nih, chawnh khawh zawtnak pawl rungvengtu Law Act 21 le Sub-Section Act(b), tuah khawhnak nawl hmang in hi order hi kan chuah. 1. Ministry Of Health Department nih, Covid 19 zawtnak a hlankan i runvennak rian he pehtlai in zawtnak i chawnh lonak dingah,
2022 March 15 order No. 56/2022 in rak langhter mi thil kong dah ti lo cu, 2022 March 16 thok in minung 400 tiang hmunkhat ah umṭi khawh a si cang tiah kan rak thanh. 2. Tu lio ah Covid-19 zawtnak a karh le karh lo kan zoh tikah Zawtnak chawnh, mizaw thar hmuh le a thi mi an tlawm ngai ngai cang ko caah order kan rak chuah mi cu 2022 April 17 thok in kan hnawh cang tiah thawng kan in thanh hna.
3. Covid-19 he pehtlai in Ministry Of Health Department nih, kan chuah mi order hi zulh a herh i a zul lomi cu hman lio phung ning in dantat nan si lai tiah cathanh an chuah. TCP
Be First to Comment