Press "Enter" to skip to content

SAC Ralhrang Le CDF-Matupi Kahdohnak Ah CDF Pasaltha A Nunnak Liam

January 28, 2022 ah Chinram kulh, Matupi peng ah SAC ralhrang le CDF-Matupi hna kar kahdohnak a chuak i, SAC ralhrang lei nih Sniper in CDF-Matupi ralkap pakhat an kah thah tiah CDF-Matupi sin in thawngtheih a si. Crd; Matupi Cele

Relchap; Myanmar in Thailand ram ah phungning loin a lut i rian a ṭuanmi Myanmar rammi 153 cu Kanchanaburi peng chungah tlaih an tong tiah Migrant Times nih a ṭial.

Kanchanaburi pengkomh thawnglatu hna thawngthanhnak in Thai palek le ramri hngak ralkap hna i bawm in Myanmar rammi pa 80, nu 70 le anmah hruaitu minung pathum hna cu mawṭaw pathum he Kanchanaburi pengkomh peng (myone) pathum chung i hmun 8 ah an tlaih hna tiah theih a si.

Ṭha tein an chek hna tikah an ngandamnak a ṭha dih. Hi an tlaihmi hna hi Dawei, Bago, Rakhine, Mawlamyian le Rangoon in a rami an si. Thailand ah an kal khawh nak dingah hin Agent (puaisa) sinah Baht (Thailand tangka) 16,000 in 22,000 tiang kan pek tiah an chim.

Cun Jan 16, nizan 9:00pm hrawngah Kanchanaburi pengkomh Salakpra ramhual zohkhenhtu pakhat nih ramhual chung aa chawhnak ah lamkam i burbuk lakah hlonh a tongmi Myanmar rammi 10 a hmuh hna tiah theih a si fawn.

An tlaihmi hna cu upadi ningin tazacuai ding le Myanmar ah tlunter ṭhan dingin palek sakhan ah an hren ko hna tiah Migrant Times nih a langhter.

Credit: The Chin Post

Be First to Comment

Leave a Reply

Your email address will not be published.