Press "Enter" to skip to content

SAC Ralhrang Le CNDF Kar Kahdohnak A Chuak Than

CNDF (Falam) le SAC ralhrang karlak kahnak a chuak tthan, SAC ralhrang lei minung pakhat a thi tiah kan theih.

Falam peng Tibual ralhrang Sakhan in pawngkam zohfel dingin achuak mi ralhrang minung (8 ) hna cu nihin zaanlei suimilam 4:00PM hrawngah CNDF he an i kah hi a si i cu ahcun SAC ralhrang pakhat a thih hi asi. Nizaan ah Tibual ralhrang riahbuk ah Helicopter atum mi kha, thilri le hriamnam arak ngalh hna theo lai tiah zumh asi.

Nihin zaanlei kahnak ah CNDF lei in hliamtuar thawngpang theih a si lo. Pathian nih him tein a runven hna mi cung ah lawmhnak a ngan hringhran.

Relchap; CNDF Special Commando Training Limnak an Tuah. Nihin December 3, 2021 ah CNDF Special Commando Training limnak tluang tein an tuah khawh tiah theih asi. Nihin CNDF Special Commando Training limnak program cu a sunglawi ngai ngai. NUG runvennak lei vuanci U Ye Mon zong nih CNDF Special Commando Training limnak ah ca a kuat hna.

Pathian nih CNDF dirkamh in um pi zungzal ko hna seh. Tutan SAC ralhrang teinak caah biatak tein thazaang a chuah kho mi, raldohnak ah faak pi in a lut in teinak nganpi an kan phorh tu an si chin ve nak ding ah thlacam in bawm cio hna usih.

Thawngdang; Depayin pengkulh chung raldohnak ah SAC ralhrang (30) leng kan thah hna tiah Galon PDF nih thawngthanhnak an tuah. Nihin zaanlei suimilam 3:30PM hrawng ah khan kahnak a chuah hi a si i a tlawmbik ah ralhrang a thimi hi (30) an si lai tiah an cathanh ahcun an langhter.

Galon PDF, Squad PDF le Kawngkin PDF tiah phutum fonh in SAC ralhrang pawl cu an kah hna hi asi. SAC ralhrang lei hi a tlawmbik minung(80) hrawng an si nain kan mah lei kan him dih ti a si.

“SAC ralhrang minung(80) hrawng cu Depayin pengkulh chung an rak lut. Cun PDF pawl nih Bomb an tarh nak hmun chung an rak luh bak in Galon PDF, Squad PDF le Kawngkin PDF tiah i bawm in an kah hna. Cun an phu in SAC ralhrang pawl an um lio ah Bomb an puah hnawh hna hi asi” tiah PDF Newsflash nih a tarlangh ning cu asi.

Raldohnak caan zeimawzat a chuah hnu ah PDF phukomh hna cu him tein hnu an kir than dih ko. Nihin zaanlei dohnak ah kan mah PDF lei a thi le hliam tuar kan um lo, SAC ralhrang lei cu a thi mi an taam lawng si loin hliamtuar zong an tam tiah an chim hi asi. V.O.M

Be First to Comment

Leave a Reply

Your email address will not be published.