Press "Enter" to skip to content

SAC Ralhrang Le KPDF Kahdohnak Ah SAC Thi An Tam, Mipi Lei Hliamtuar An Tam Ve

Sagaing ramthen, Kani peng le Buhtalin peng aton nak ah Kani mizapi ralkap phu KPDF(1),le ralhrang kar nizan ah kahdohnak aum i ralhrang lei 10 nak tlawm lo an thi i PDF pakhat hliamhma atuar thinphan ding um lo.

Ralhrang nih an kah mi hriamngan kuan ruang ah khuami 7 an hliam tiah KPDF nih an chim. Nizan November 25 ah Kani-Butalin aton nak hmunah ri lawmh in ara mi ralhrang phu hna cu KPDF (1) nih an bawh hna i an rak kah hna.

An i kah caan asau ngai, mizapi ralkap cheukhat nih an kham hna cheukhat nih an rak kah hna hnu ah hnu kan tawlh khawh tiah mizapi vengtu ralkap chimphuan nak nawlngeitu pakhat nih khit thit media ah achim. Crd; The Chin Post

Relchap; Lawngtlai District chung ralzaam tawlreltu Central Young Lai Association, Lawngtlai nih cun nizan November 26 ah khan Lawngtlai District chung ralzam kongkau ah cathanh an chuah. Cathanh an chuah mi ah hin hmai lei zong ah Lawngtlai District chung ralzaam zohkhenh le tawlrel an i zuam peng kong le riantuan cuahmah a si kong lengah Lawngtlai District chung ah ralzaam an cohlan peng kong an tial.

Hi Cathanh an chuah mi hi ralzaam tawlrelnak le bawmhnak phawtzamh kongah a buaktlak deuh in an phawtzamh khawh nakhnga mipi sinah nawlnak an tuah. Cathanh hi mizo ca in an chuah caah atang lei ah hin Laiholh in kan rak leh. 1. Ralzaam a um ciami le a ra lai mi hna ca ah Lawngtlai District chung ah hohmanh nih mibu a si maw pumpak zong in bawmhnak (donation) hal lo ding. 2. Ralzaam vialte cu anmah umnak VC/YLA timhtuahning in an um lai i, an umnak khua/sang an chuahtak lai poh ah an umnak VC/YLA an theihter hmasa lai.

3. Ralzaam a ra mi hna pehtlai in Lawngtlai District chung ah zei bantuk bu hmanh dirh sian a si lo. Bu rak dirh cang mi hna zong rak thet dih dingin theihter le nawl an si. 4. Ralzaam bawmh a duh mi nih cun CYLA sin ah bawmhnak pek khawh peng a si. 5. Ralzaam in a dor mi vialte nih buaktlak tein bawmhnak an don khawh nakhnga CYLA nih timhtuahnak a ngeih mi hi a kan zulh piak dingin kan in nawl.

6. CYLA nih ralzaam a zohkhenh le tawlrelnak ah ruahnak thatha hung kan cheu dingin kan in sawm hna. Ralzaam hna nih hin bawmh le dirkamh an herh lio a si i, mipi nih an ca ah kan tuah khawh tawk tuah ve ding in kan in nawl hna. Crd; The Chin Post

Be First to Comment

Leave a Reply

Your email address will not be published.