Press "Enter" to skip to content

SAC Ralhrang Le Palik Minung 8000 Leng Nih CDM An Tuah Cang

Ralkap nih rampi nawlngeihnak a laak caah misual ralkap kuttang ah riant’uan huam loin CDM a tuahmi ralkap le palek an zate ah minung (8000) lenglo an si cang tiah People’s Embrace phu sin in theih a si.

CDM a tuahmi pawl cu ralkap minung (2000) lenglo le palek minung (6000) lenglo an si tiah People’s Embrace phu ih t’uanvo ngeitu Buci Lin Htet Aung nih a chim.

CDM a tuahmi palek pawl hi an rank zei rank pawl an si timi felfai in theih a si rihlo nain CDM a tuahmi ralkap chung ahhin Bu-hmu rank minung (10) lenglo an um ih Bu le Buci rank minung (100) hrawng an um tiah Buci Lin Htet Aung nih a chim.

Kawlram ralkap le ramkhel lei a hlethlaitu hrekkhat pawl nih Kawl ralkap hi an zate ah minung 250000 in 400000 luan tiang hrawng an um lai tiah an zumh ih palek hi minung 90000 hrawng an um tiah an chim. Ref: Myanmar Now.

Be First to Comment

Leave a Reply

Your email address will not be published.