Press "Enter" to skip to content

SAC Ralhrang Le PDF Kar Kahdohnak Ah PDF Lei Pa 5 An Thi

Sagaing ramthen, Yinmapin (ယင္းမာပင္) pengchung ah Monywa-Yinmapin- Pale lampi ah ralhrang phu le khuachung PDF kar kahdohnak a chuak, PDF lei in minung 5 an nunnak a liam tiah PDF chungtel pakhat nih nihin November 10, zinglei ah a chim.

“Nihin zinglei Salingyi (ဆားလင္းႀကီး)-PDF cu pehtlaih an si, minung 4 an um lo tiah an chim, khuachung mi kan hal tik hna ah minung 3 ruak cu kan hmuh an ti, minung 1 ruak cu hmuh a si lo. Nizaan kahdohnak ah khuachung PDF in minung 5 nak tlawmlo cu nunnak a liammi an si lai tiah ruahdamh a si” tiah Yinmapin-PDF phu in rianngei pakhat nih a chim.

Nizaan November 9, Monywa-Yinmapin-Pale lam thluan le Phoewintawng(ဖိုဝင္ေတာင္) hmunhma ah chunni tlak ngawt in zaan tiang, kahdohnak a chuak. PDF lei nih hmanhmi bomb le hriamngan kahnak ruangah ralhrang phu lei zong tamngai an thi lai tiah ruahdamh a si.

“Nizaan kahdohnak ah ralhrang phu minung 100 hrawng an i tel lai, an kir lei ah cun minung tam an si ti lo, nizaan kahdoh a chuahnak hmun cu a hnoksak tuk rih caah fiangten kan chimkho rihlo” tiah Yinmapin-PDF phu in rianngei pakhat nih a chim. crd; TCP, Mizzima

Be First to Comment

Leave a Reply

Your email address will not be published.