Press "Enter" to skip to content

SAC Ralhrang Nih Chinram Ah An Tuahsermi Hna Hi Lung A Fak Kho Tuk

Thantlang ah Ralhrang nih February 1 in nihin tiang ah khuami 7 thah, inn 180 renglo khangh. Min Aung Hlaing le a naule nih nawlngeihnak an lak ni February 1 in nihin November 2 tiang ah Thantlang khuami 7 an kahthah hna i inn 184 an khanghpiak cang hna, tiah kan theih.

Inn an khangh mi hi September 9 ah inn 1, September 18 ah inn 19 (Hotel pakhat tel), le October 29 ah inn 164 a si i a dihlak ah inn 184, inn thatha lawngte an khangh cang, tiah kan theih. “Thla 10 chung (February -November) ah hin khuami; Pu Hram Cung (kum 59- 29.9.2021); Pu Ral Tu (kum 77-29.9.2021); Pa Uk Lian Kam (kum 14-28.8.2021); Pu Hlei Bik (kum 45-28.8.2021);

Pa Van Bawi Thang (kum 10-25 . 8.2021); Pastor Cung Biak Hum (kum 32-18.9.2021) le Pu Van Za Ceu (kum 25-12.9 2021) hna hi an kahthah mi an si i Pu Van Za Ceu hi a thih le a nun hngalh a si lo nain a thi i aruak an hloh lai tiin kan ruah. Nihin tiang a thawng kan thei thai ti lo,” tiah Thantlang Khuanu Khuapa Pu Ram Khar nih a chim.

Min Aung Hlaing te nih nawlngeihnak an lak hnu Thantlang ah inn 184 an khangh, khuami 7 an thah hna i minung 20 leng an hliamh hna pin ah khuami dihlak ralzaam in an chiah hna. Crd; the hakha times

Be First to Comment

Leave a Reply

Your email address will not be published.