SAC ralhrang pawl nih Chuncung khuachung ah bomb an tunh ta mi CDF Hakha nih an hmuh i pakhat hmanh hliam tuar lo tein an hrawh khawh. Baravo CDF Hakha! Credit; Salai Tluangte
Korea ram nichuahlei ah Tupi a kaang i cu tupi meikaang hmit ding cun Fire Police le ralkap 2000 tluk cu nihin March 5 ah Cozah nih a thlah hna. Hi tupi meikaang hi Rilikam khuapi Uljin khua pawng ummi tlang pakhat in Nizaan March 4 zing khan kangh hram ai thok i Sancho khuapi pawng tiang a phanh cang caah Inn 90 hrawng a kaang cang i Minung 6000 hrawng a himnak hmun ah an zaam, tiah theih a si.
Meikangh ruangah a thi mi le ai hliam mi kong hngalh a si rih lo. Ram a ro thli a hran caah rang tuk in mei a lawn manh i zeiruang ah a kangh timi kong zong hlat cuahmah lio a si, tiah Korea Enterior nih chim.
Tuzing thok in Fire police le ralkap 1950 leng nih Helicopter 52 le Mawṭaw 273 in meithah cu an i zuam, Meithat(Fire police) tampi nih Sacho khuapi um mi LNG gas chuahnak sehzung a kangh lonak ding ah zaan khuadei an ven. Sehzung a phanh hlan thli a daih lio ah mei cu kan hmih khawh, tiah National Fire Police Agency rianngei pakhat nih a chim. Credit: The Chin Post
SAC ralhrang phu hna nih nawlngeihnak an laak February 1, 2021 thok in March 1, ’22 tiang kumkhat le thlakhat chung ah Myanmar ramchung hmun 165 ah inn 6,158 cu khanghpiak an tong, tiah Data for Myanmar phu nih cathanh an chuah.
Inn an khangh mi chung in Sagaing ramṭhen hi a tam bik a si i inn 3,700 tluk an khangh. Chin ramkulh cu a pahnihnak a si i inn 1,100 leng a kaang cang. Magwe ah inn 900 hrawng, Kaya ah inn 300 leng, Shan ah inn 90 leng, Mandalay ah inn 30 leng, Taningtari ah inn 30 tluk, Pako nitlaklei ah inn 10 le Kayin ramkulh ah inn 5 cu khanghpiak an si cang.
“Inn khangh hram an thok hi 2021, May thla hrawng in a si i, cuhlan cu lamzawhnak tuahtu hremnak le mi ṭhencheunak tbk. an tuah. Atu ah cun Sagaing lei zong ah internet line an phih caah ralhrang thiltuah mi khomhsuat ding ah a fawi ti lo. Khua mi hna nih hmanthlak le vedio he ti in record ṭha tein fim mi a um ah cun khawmhsuat khawh a si ko hnga, caan sining hi chim khawh a si lo,” tiah Data for Myanmar phu in chungtel pakhat nih BBC ah a chim.
Atu langhter mi thawngpang hi kahdoh a chuahnak thawngpang le inn khanghpiak an tonnak thawngpang; a ni le caan ṭha tein zohfel hnu ah langhter mi a si, thawngzamhnak cio nih an langhter mi zat cu zoh ṭhan in nuhrin covo lei riantuantu phu, ralzaam bawmtu phu hna nih cathanh an chuah mi chung zong zoh chih a si, tiah a chim.
Data For Myanmar phu cu SAC ralhrang phu hna nih nawlngeihnak an laak hnu ah SAC ralhrang nih inn an khangh mi, an hrawh mi le umnak inn kaltak in hmundang ah an zaam mi le silent strike a tuahtu khua, ralhrang uknak tang um duh lo in khuabawi sinak in rian aa din mi hna cazin khawmsuat in a langhtertu phu an si.
Demoso Lei Ah SAC Ralhrang Nih Tank 2 Le Ralkap 300 Leng He Rallam An Sial: Tank 2 (သံချပ်ကာအမြောက်ကား) le ralkap thazaang 300 leng aa tel mi ralhrang nih Demoso lei ah nihin March 5, zingka ah rallam an sial i Loikaw lei zong ah SAC Ralhrang nih dongcat lo in an kah ve, tiah theih a si. Moebe – Nan Mya Khung – Demoso lam lei ah Tank 2 le ralkap 300 cu hmun 4 ah an i ṭhen i tuzing Sml 6 ah rallam an sial. Nizaan March 4 zaanlei sang ah Demoso he meng 4 aa hlatnak ah ummi Pupha (ပူဖား) khua ah zaan khuadei bomb puah thawng a thang, tiah KNDF batallion 2 nih a thawng a thanh.
Pupha khua ah nizaan ah SAC ralhrang le Karenni ralkap phufonh hna karlak ah kahdohnak faak ngai in a chuak i Karenni phufonh lei minung 2 hlamhma an tuar, tiah theih a si. Nihin March 5, zing ah Demoso Daw Ngan Kha(ဒေါငံခါး) sang le a pawngkam Kungta(ကုန်းသာ) khua ah hriamngan a tla i a puak, tiah khua mi sin in theih a si. The Chin Post
Be First to Comment