Press "Enter" to skip to content

SAC Ralhrang Nih Kan kap hlah u, tiah loudspeaker in an au nain an kah thiam hna

Kan kap hlah u, tiah loudspeaker in an au nain an kah thiam hna
==============================
October 15| Mindat le Matupi kar lam rawk mi remh ah a kal mi SAC ralkap cu nihin 12:00 PM hrawng ah an kah thiamthiam hna, tiah kan theih. An kah hna nak hi Lemro tiva pawng ah a si i nizaan October 14 khan Matupi in Mindat lei ah kal aa thawh mi an si, tiah khuami nih an chim.

Hi kong ah SAC ralkap pawl nih October 12 zaan ah, “Matupi le Mindat kar lam a cim mi kan remh lai. Lamsuul umkalnak tha seh tiin remh kan i tim. Cucaah, nan kan kah lo ahcun kan in kap ve hna lai lo i khuate pawl zong ah khuami harnak kan pe hna lai lo. Kan kap hlah ulaw,” tiah loudspeaker in an au tiah Matupi khuami nih an chim. Atu hi Lemro tiva pawng Chanpian khuathar hrawng ah hriam ngan he meithal he a thawng theih thluahmah a si, tiah kan theih. #PhotoCrd . Credit : The Hakha Times

Be First to Comment

Leave a Reply

Your email address will not be published.