Press "Enter" to skip to content

SAC Ralhrang Nih Minkin Peng Khua (3) Mei In An Duah Hnu Ah Bomb An Hmanh Ta ii, Mizapi(2) Nih An I Lamh Caah An Kut Le Ke Tan

Sagaing ramthen, Minkin peng ah SAC ralhrang nih khua(3) mei in an duah hnu ah bomb an hmanh ta cu bomb a lamhmi mizapi(2) an kut ke a tan tiah khua mi sin in theih a si.

SAC ralhrang phu cu nihin December (14) zing ah Minkin peng, Thunggyi,
Tetkhawngti, Winwa khua cu an luhhnawh hna i mizapi inn cu an duah piak hna, cu hnu an duah mi inn pawngkam ah bomb an hmanh ta, mei hmih ding a kal mi mizapi(2) nih bomb an i lam sual caah an kut ke a tan tiah theih a si.

“Thunggyi khua inn(6),
Tetkhawngti khua inn(5), Winwa khua inn (1)an duah piak hna, tangka sing(2000) an i lak, bomb an hmanh ta, Bomb a lam sual mi pa(2) an kut le ke a tan” tiah khua mi pakhat nih a Yangon Khit Thit ah a chim.
“SAC ralhrang hi zing Sml(10:00) tluk in khua inn cu an duah len cang, tuan deuh kahdohnak ah ralhrang lei a thi mi an tam caah thinhung in an duah mi si, kahdohnak cu a um lo tu zong an duah cuahmahrih tiah Taungdun PDF biachimnak nawlngeitu nih Khit Thit ah a chim.

SAC ralhrang nih Tetkawngti khua mawtaw lam um mi khua paoh an duah piak caah an duah mi cazin cu kan lak lio si tiah Taungdun PDF sin in theih a si.
Crd..Khit Thit Media&the federal time

Be First to Comment

Leave a Reply

Your email address will not be published.