Press "Enter" to skip to content

SAC Ralhrang Nih Mino Pa 1 An Thah Ning Hi A Fak Ee!

Taunggyi ah mino pakhat cu ralhrang nih an mawtaw in an rial i a thah. Sagaing region, Ye Oo township, Yay Myat khua ah ralhrang ralkap hna nih Nov. 23 ah an va lut i lam chim tu ding ah khua chung mi U Soe Myint cu an hruai i a hnawng an tan i an thah, a ruang cu kan humh than tiah khua chung mi nih an chim.

”Nov. 23 ah khua chung ah an hawng lut. Ko Soe Myint cu lam chim tu ding ah an hruai i lam ah a hnawng an tan. Cu mi nii la ah cun a ruang cu kan hmuh. A ruak zawng tha te in kan vui” tiah khua chung mi pakhat nih a chim. Crd; Khit Thit Media

Thawngdang Relchap; 𝗔𝗮 𝗟𝗼 𝗡𝗴𝗮𝗶 𝗡𝗮𝗶𝗻 𝗮𝗮 𝗞𝗵𝗮𝘁 𝗟𝗼. Buddha biaknak a bia mi Kawl phungki pawl le micheu khat nih an titawn mi cu, “Laitlang ah Pura kan sak mi cu rammuirian (mission) kan rak tuan ve mi a si ko. Cun, Na-Ta-La sianginn kan tuahmi zong hi nanmah Khrihfa hna nih rammuirian (Mission rian) nan va tuan bantuk khi a si ko. Nanmah zong rammui ah mission rian nan tuan bantuk in kan nih zong nih mission rian kan tuan ve mi a si”, tiah an kan ti theu. El awk ah a har ngai tawn. Biaknak paohpaoh nih zalong tein mission rian cu an tuan cio awk a si fawn ko, kan tuan cio awk a si ko. Cucu, vawleipi hrimhrim nih a theihpi mi le nawl a pek mi a si.

Buddha biaknak a bia mi Kawl phungki pawl le micheu khat nih an titawn mi cu, “Laitlang ah Pura kan sak mi cu rammuirian (mission) kan rak tuan ve mi a si ko. – Hakha CherryAsinain, kan nih Kawlram chung ummi biaknak pawl cu rammuirian kan tuannak ah kan i dannak a um. Kannih Khrihfa nih cun thianghlim tein rammuirian cu kan tuan – khrihfabu cheuhra cheukhat phaisa in kan tuanmi a si. An nih Kawl phungki pawl cu a thur-hnommi thil (Politics) he an tuanmi hi kan rem lo mi cu a si. Ram pumpi phaisa kha hmang in Buddha biaknak a kauhnak ding caah an hman – biaknak dang pawl dolhnak ding ah an sermi hi kan duh lomi cu a si.

1961 thok in Buddha biaknak cu ram pumpi biaknak ah an i ser. Cun, 1994 kum in a tu Na Ta La kan timi khi an hun dirh chap {mirang cun, Border Areas National Races Youth Development Training Schools, tiah an ti}. Khrihfa ram a simi Chin, Kachin, Karen, etc. hna kan hmunhma ah Na Ta La sianginn cu an sak – Chinram ah a tam bik an sak. Ralkap bawi pawl nih tlaihmi [Ministry of Border Affairs le Ministry of Religious Affairs] an pahnih ii bawm in an tuan. Khrihfa chung in sifak le sianginn kainak a harsa mi pawl kha a lak tein kan in chimh hna lai, kan sin ah rak kai uh an kan ti. Kawl biaknak kong an cawn piak hna. Kum 4/5 a rauh ah cun an duh zong duh lo zong ah an lu an kongh hna; phungki puan an aih ter hna – an biaknak an thlen beh hna. Cucu kan duh lomi a si.

Cu 1961 kum ah Buddha biaknak ram pumpi biaknak ah an rak tuah thok cun ram chung um mi Biaknak dang pawl {Khrihfa, Muslim, Hindu, etc.} hna cu an kan thleidan colh. Kan biaknak zalonnak a um kho ti lo. Kanmah Chin ram hna ah cun Khrihfa kan sinak a langhter tu, Khrihfa kan sinak hmelchunhnak a si mi kan vailamtung hna an kan hrawh piak lawng si lo in cu hmun theng teah cun Pura an phun hna. CHRO hlat-hlainak nih a hmuh mi cu; kan Chin ram chung ah vailamtung pe (20) nak a sang mi hi (13) an phur. Pe (20) nak niam deuh pawl he cun (30) leng an kan phur piak tiah an langhter. A zualhma mi cu, Laitlang chung biakinn kan ngeih mi vialte hi phung ning tein an kan cohlan piak duh lo (biaknak min put in register tuah khawh si rih lo).

Buddha biaknak a bia mi Kawl phungki pawl le micheu khat nih an titawn mi cu, “Laitlang ah Pura kan sak mi cu rammuirian (mission) kan rak tuan ve mi a si ko. – Hakha Cherry

Kan biaknak zei an kan rel piak lo. An mah Buddha biaknak caah cun phungki umnak le Pura cu an sak hlan in hmunhma pek cia an si. Ram pi phaisa hmang in an sak piak rih hna. Nihin ni tiang ah kan Chinram chung kan biakinn vialte hi ram pi phaisa hmang in an kan sak piak mi pakhat tal a um maw? Kanmah thazang te; cheuhra cheukhat le thawhlawm tein kan sak mi lawng te an si. Rammuirian (mission) ah nan tuan ve bantuk in kan tuan vemi a si ko tiah an kan ti tawnmi hi aa lo ngai nain aa khat lo mi a si.

Cucaah, biaknak paohpaoh nih rammuirian cu an tuan cio awk a si ko. Cucu a dikmi a si fawn ko. A thurhnawm mi Politics he an tuanmi tu hi a dik lo mi cu a si. Thianghlim te tu in kan tuan cio awk a si. Phung le phai zong nih biaknak paohpaoh cu thleidannak um lo in le tlukruang tein a cohlan dih hna ding a si. Credit-Thawng Tha Lian

Be First to Comment

Leave a Reply

Your email address will not be published.