Press "Enter" to skip to content

SAC Ralhrang Thazaang 100 Leng Lo Ralser Ding A Tim Hna Cu Mipi Ralkap Nih Bomb In An Puah Hna

Bilin Peng chung ah ralser timh in a kal mi SAC rual bomb puah an tong……. Jun-25, Mun ramkulh Bilin Peng chung ChawngSauh le TiSarTlam Tidil khua kar ah thazang 100 reng lo in ralser ai tim mi SAC rual zahan Jun-24 zinglei suimilam 9:00 hrawng ah khan bomb puah an tawng tiah theih asi.

MoKaung ၊ KaMaSai ၊ Bilin le TaThung lei in ralser a rak i thawh mi SAC le BGF ai bawmmi hna cu KNU B-1၊ B-2 chungtel hba nuh bomb( မိုင်း)puah nak le kahdoh nak an rak ngeih hna asi tiah kan theih.

Ralhrang (7) nak tlawmlo thi in hliamtuar an tam lai tiah zumh a si.Mithi ruak thahnem lak an pon tiah an theih nak kong KNU ralbawi pa khat nih achim nak mizzima nih a langh ter.

Ralhrang a thi mi zat fianh a har. Zing Sml 3:00 ah voi khat Sml 4:00 ah voi khat bomb voi hnih Puah hnawh an si hnu ah Sml 9:00 Am hrawng in 40 MM ၊ 107 MM in kah chap an si ca ah hi ralhrang hi 100 an tang ti lai lo tiah an zumh nak kong cu anlangh ter chih.Kahdoh nak hnun kiangkap khuami hna cu hmunhim fukin ral an zam dih tiah theih asi. Credit: LKZ News

Relchap>>><<< Media Ah Kan Tei Bangin A Tak Ram Ah Ralhrang Hi Kan TEI Maw, Ralhrang Rallokap ruang ah Chin Mipi an lung a zawr dih I an tha a chia ngai ngai ko, ti kan hngalh ko buin Nang le kei hi zeitindah mah tein kan hna kan I ngam ter tawn ti hi ka ruat tawn. Mipi tam deuh caah hmai lei ruahchannak an tlau cikcek lio ah,

zeizong te ah kan thazang a zawr lio ah, khamh tu Messiah van kan hai lio ah: Hriamnam le kuanzen van hai nak nih van kan zoh ah a sang I vawlei kan zoh ah a pit lio can: Bawmhchan nak cu kan I ruah chan mi minung hna le bu sin in an rat ti lo can: Ramdawtu le phuntung tu CHIN mi hna sin lawng bawmhnak zeizong za hi a si khawh ti mi kan hngalh cikcek lio can ah: Ramdang bawmhnak cu asi khawh ti lo ti kan hngalh cikcek lio can: Mah kutke le mah pumpak lawng in, mah nunnak le thisen lawng lawng in luat nak lam aum I,

CHINRAM le CHIN MIPHUN Zalonnak cu CHIN MI sin lawng in an ra lai ti hi kan hngalh lio caan ah: Thazang ṭhawng le thazang ser hi zeidah asi ti kan hngalh cikcek lio caan ah: Kawl Ralhrang vialte cihmih awk ah mino lawng kan i thawh mi tuak tikah, asi awk asi maw tiah tuaktan can an tam khun lio ah: TEINAK phawrh tu ngai ngai hi a dang an um ko lai tiah kan ruah phah tawn lio caan: Pathian thawng lawng in TEINAK cu kan ti cang ko lo maw Unau hna:

Ralhrang thluk le TEI kan duh tuk ah: Pan Cello, Myo Yan Naung Thein le Zarni Ṭhai te ca ṭial mi lawng thimh in kan rel tawn. Dr. Sa Sa nih ati ti mi deuh lawng kan rel I kan I lunghmui tuk tawn ko. Mizzima, Khit Thit, RFA, tbk Media kha thimh in kan rel tawn. Like kan pek I comment tampi kan pek tawn hna. Uico Rallokap cuzat an thi, cuzat hma an pu thawngpang lawng kan thim tawn. Sagaing le Magway ah 90% hmunhma kan hip cang ti mi news lawng rel kan duh cio hna.

PDF cuzat an thi, UG cuzat an tlaih hna, Khua cuzat le Innlo cuzat mei an duah, Khua mi vialte an zam dih, tbk news cu rel kan duh cio lo I, kan lanh tak dih ngawt tawn.

CDMers SPY an tawn, Boycott an tuah timi NEWS cu kan lanh tak bak ko. Rian aum lo caah ei awk an ngeih ti lo, tbk zong kan I hngalh ter lo can a tam ko. Baar le Clubs ah mi an tam ko ti le Siang Inn ah mi an khat ko tbk hna cu kan hngalh lo ti phun kan I um ter dih ko.
Kanmah nih kan TEI hna ti mi thawngpang lawng kan thimh tawn hna.

Kan rel duh mi NEWS cu mah bantuk lawng cu asi cu mu. Cu bantuk Thawngpang lawng cu mipi kan nunnak thaw asi. Facebook ah cu bantuk news lawng rak kai seh ti kan duh ko. Mah bantuk news ruang ah FB le TV he kan I ṭhen khawh ti lo.

Mah nih le American, Nitlak ram le Japan ah um buin, ral kan tei cang tiah thazang pek tu hna nih thazang thar an tlun pi ngai ngai. Nain cansau a ngu khawh ve ti lo. Ramdang um buin mipi hruai khawh hi a har ngai timi tu lawng ka lung piang hram kaa thawk ko ee. Ramdang um hruaitu hna nih Ralhrang Rallokap kut in kan in chanh hna lai ti cu, Voksa thau nak in mipi an kan simh deuh ko cang.

Nain mah bantuk thawngpang le minung nih CHINMI thazang an kan pek tuk fawn. Aruah zia le atuak zia a har ngai ko. Nain kei cu mah bantuk hin lung kaa sak. Mah bantuk news le hi bantuk hruaitu hna thawng in Ralhrang Rallokap kan thluk bak hna lai, a caan belte hngak rih a herh, Hngak ko usih, tam lo tein hngak ko usih timi hi kan hla asi cang.

Nang na hla the?? Federal in kan kal tiah Federal Charter le Phunghrampi ngeih lo: Ral kan tei deng cang tiah Hriam nam bawmh bal fawn lo: CDMer tuah dih uh tiah Bawmhnak pehzulh tein aum fawn lo: Mipi le ram dawtu le phuntung tu hna bawmhnak Ngunsawm nih le hnarcheu an vaivuan, pumpak ramnak ah an hmang timi thawngchia nih le thawngṭha he aa cawh fawn. Lunglawmhnak khuadei can hi a hlat rih maw tiah hal tu hna bai leh awk ah a har ngai ngai ko dakaw?

Nain kan hngalh mi cu: Chizaw ek hi a hmui maw? Hmui lo? A thlum maw? Thlum lo ti le: Ralhrang MAH le Khuachia Damiah, Lainawng Uico Rallokap hei kan tei maw? Tei lo? Kan TEI lai maw? Tei lai lo ti cu nanmah cio bang ka hngalk cikek ve cang. ZTC

Be First to Comment

Leave a Reply

Your email address will not be published.