Sagaing ramṭhen, Kathar ( ကသာ) pengkomh, Hti Cheih peng chung um Tone Lung khua lei ah minung thazaang 10 in a rak chuak mi SAC ralkap hna cu mizapi vengtu ralkap hna nih bomb an puahhnawh hna i SAC ralkap 6 an thi, 4 hliam an tuar, tiah theih a si.
“Tone Lung(တုံလုံ) khua lei ah rallam a sialtu SAC ralkap 10 cu bomb puah an si i ralkap 6 an thih lengah 4 hliam an tuar. SAC ralkap pawl cu bomb puahhnawh an si hnu ah an hliamhma an zaam,” tiah bomb a puahhnawhtu Eagles Army – HPDF hruaitu nih Mizzima ah a chim.
Bomb puah a tong mi SAC ralkap 10 hna cu SAC ralkap 100 hrawng ca ah rallam a sialtu an si, tiah theih a si i, Tone Lung khua nichuah lei um Kyit Gyi khua lei ah an zaam, tiah Eagles Army – HPDF phu hruaitu nih a chim.
Minung 100 hrawng a si mi SAC ralkap hna cu Hti Cheih peng chung khuate ah khuakhat hnu khuakhat lut in rallam an sialnak thla 3 hrawng a si cang. Tone Lung ( တုံလုံ), Kyit Gyi ( ကျစ်ကြီး) le Pauh Natt (ပေါက်နက်) khua hna ah umhmun an khuar, tiah theih a si. SAC ralkap nih Hti Cheih peng cu internet line an phihnak thla 3 leng a si cang tiah khua mi hna nih an chim. Crd; The Chin Post
U Win Tin a thih kum 8 a tlinnak nihin April 21 ah ramkhel thongthla vialte chuah dih an si nak hnga nawlnak caah thil dum i hruk in lamzawhnak an ngei i cawlcang cio ve ding in AAPP le Burma Campaign UK nih forhfialnak an tuah. April 21 hi NLD party a dirh tu ah chungtel a rak si mi le journalist zing a rak simi Hanthawddy U Win Tin a thih kum 8 a thin ni a si.
Win Ti hi kum 19 chung thong a tla i a chuah hnu in a thih tiang thongtla pawl nih an i hruk mi angki dum aa hruk ruang ah a tu bantuk in a mah philh lonak caah ramkhel thong tla pawl chuah an si nak hnga thil dum i hruk in lam an zawhnak hi a si.
Ralkap nih uknak an lak hnu in ramkhel ruang ah an tlaih mi minung thonghra leng an si cang. Cu caah thong tla pawl thlah an si than nak hnga nihin ah U Win Tin philhlonak caah angki dum i hruk cio ding, a si lo ah angki dum i hruk mi hmanthlak cu ramkhel thongtla pawl thlah hna u timi cafang he Facebook cahmai ah i tar langh cio ding in forhfial nak tuah hu a si .
Ralkap nih an ser mi 2008 phunghram cu kan remh lai maw?, kan hnon lai dah? timi NLD nih vote an thlak lio ah NLD party hruaitu tam deuh nih remh ding in an lung a rak tling ko nain hnon a duh mi hna nih lawyer Ko Ni le U Win Tin hi an rak lei rawi hna. U Win Tin hi 1989 in 2008 tiang Innsein thong ah thong a tla i 2014 Aprl thla ah an nunnak liam.
Relchap; Mandalay Ramṭhen Computer Sianginn Pawng Ah SAC Ralkap Mawṭaw Cu Bomb Puah A Tong: Mandalay ramṭhen, Sinkaing(စဉ့်ကိုင်) le Palaih(ပလိပ်) khua kar Computer Sianginn lonh ah April 19 zing sml 2:00 hrawng ah SAC ralkap mawṭaw cu bomb in an puah hna i Officer telh in SAC ralkap 3 an thi, tiah tualchung PDF sinin theih a si.
SAC ralkap Mawṭaw pathum cu bomb an puah hnawh hna i hliamhma a pu mi pawl cu mawṭaw mei zong vaang ngam loin an kalpi hna. “Phayeti(ဖရဲသီး) thawng peknak pehzulh in kan bawh hna i, bomb in kan ṭhuat hna hi a si. Mizapi lei in tlaih a tong mi, PDF tlaih a tong mi le a thi cang mi kan ralkap hna ca ah teirul kan cham lai,” tiah Bo- Aung Lay nih a chim.
April 19 in Zeyar raltuknak kan thok i, SAC ralkap le palik pawl faak piin ralrin kan pek hna. Cun, chungkhar pakhat le pafa hna zong zei ruat loin a thattu SAC ralkap he pehtlaihnak a ngei mi hna zong kan lehrulh cang hna lai, tiah a chim chap. Cu lengah khuachung raltuknak kan thok cang caah mizapi cu SAC ralkap le palik he aa hlatnak ah um ding in ralrin kan pek hna, tiah Bo-Aung Lay nih a chim.
Be First to Comment