SAC Ralkap Hna Nih Minung (3) An Tlaih Than Hna E! An Tlai Hna Nak A Ruang, Ralrin Cio Hna Usih

Facebook Ca An Post Mi Ruang Ah SAC Ralhrang Nih An Tlaih Hna. Facebook cahmai ah ca an post mi le an share mi kong he pehtlai in minung 3 cu SAC ralhrang nih an tlaih hna tiah theih a si.

An tlaihmi hna hi pa pahnih le nu pakhat an si i Sagaing ramṭhen Shwebo khua ah Vaute 19 ah an pathum in an tlaih hna hi a si. Ralhrang hna nihcun ‘Ralkap duhlonak le NUG ṭanpinak a langhter tu post hna an tar ruangah kan tlaih hna’ tiah an thanh.

SAC ralhrang hna nih ralkap uknak a dohtu zei bantuk media poh tlaih ding in upadi an ser tiah theih a si. Credit: Chin Cable Network Channel

Thawngpang Dang: NUG Ah Second Gen. Aung San An Um Khawh Ti Lai Lo Maw. NUG ah Bogyoke Aung San Bantuk an um lawngah Lungrualnak aum lai i Ralhrang Rallokap te SAC le MAL te hi kan tei khawh ve lai. Cu bantuk Hruaitu cu NUG ah an um cang maw?

An um ahcun EAOs le NUG, Tlangcungmi le Kawl Miphun cu hmunkhat te ah le Pumkhat ah an kan siam khawh lai I Lungrualnak aum lai I Ral kan tei lai.

2023 March 16 ah NUG nih Local Federal Cozah serh awkah Meeting an tuah. Pumkhat sinak le lungrualnak aum lo caah Ralhrang kan tei rih lo mi asi tiah NUG PM Mann Win Khai nih a chim.

EAOs le NUG lawng siloin Kawl miphun PDF le LDF he pumkhat kan si khawh rih lo I lungrualnak aum rih lo tiah PM Mann Win nih ati. NUG le EAOs pumkhat an si khawh lo caah KIA cu PEACE a tuah cang lai tiah Mirang news kip nih an phuang.

Kawl news pakhat hnih nih an phuang ve. NUH nih KIA cu Tlangcungmi nan duh mi Federal kan in pek hna lai tiah an lemsoi lio asi. Zeidah a lawh te hnga zoh cio tuah usih.

KIA nih NUG a kal tak ahcun Raldoh can Asau ve lai. NUG le EAOs le Tlangcungmi Pumkhat asi khawh lo I lungrualnak aum lo caah CNF CNDF ZRA MDF CDF – Mindat ti bantukin pumkhat kan si khawh lo I lungrualnak aum lo mi hi asi.

CNF ah CDF an I fonh duh lomi zong hi NUG nih lungrualnak a ser khawh lo caah asi. Kanmah le kanmah sual I phawt ti hlah usih. Tiva cu ahnah lei a nawi ahcun a lai le a taw lei ah TI fim rai asi ve lo cu ta.

Akung a ṭha lo mi theipar an ṭha ve lo. Ramchung le ramleng siseh, Chinmi le tlangcungmi siseh, Kawlte miphun sihnaseh, NUG sihnaseh, CNF sihnaseh, Pumkhat si a herh, lungrual a herh tiah aupi cio asi ko nain asi khawh lomi hi Aruang a um lai nain Aruang bik cu Gen. Aung San bantuk Minung kha NUG le CHIN ah kan um khawh lo caah asi. I fahsak duh hlah uh.

Pumkhat asi ballomi Kawl miphun cu Gen. Aung San nih lungrual tein pumkhat ah a ser khawh hna. Kawl miphun lawng siloin Miphun dang le ramdang asimi Chin Kachin Shan telin Tlangcungmi he lungrualnak le pumkhat sinak a ser khawh tu Gen. Aung San asi.

Anmah bantuk Kawlram tuanbia ah an um rih lo. Lungrualnak cu Gen. Aung San nih canṭha ah a hman I Pinlung Sachuk an kan tuah pi i Tuchan Kawlram a hung si.

Pinlung khawh in thla 9 ah Gen. Aung San le a hawi le cu Panglong le Federal aduh lomi Kawlte nih an thah hna caah Pinlung a rawk cikcek I Federal zong a thih caah Kum 70 leng raldohnak Civil war aum hi asi.

Pinlung le Federal cu NUG nih EAOs le Tlangcungmi lungtling tiangin biakamnak an ngeih khawh lo caah nihin tiang pumkhat sinak aum khawh lo I lungrualnak a um lo.

SAC kan tei ve rih lo hi asi. SAC nih Federal kan in pek hna lai tiah EAOs cu an lemsoi ve hna caah NUG hawikom EAOs nakin SAC hawikom EAOs an tam deuh.

Cucaah Tutan Dohthlennak ah Tlangcungmi duhmi Federal a pek khawh tu pa cu SAC asi ah siseh, NUG asi ah siseh, Second Gen. Aung San an si te lai. CHINMI pumkhat ah an kan siam khawh tu le CHINMI lungrualnak a siam khawh tu pa zong Second Chin Gen. Aung San asi ve te lai. Credit: Joseph R Thang