Press "Enter" to skip to content

SAC Ralkap Nih Yangon University Mino (7) Thih Dan Pekmi Kong Ah An Chungkhar Le Sihni Chim Mi Cu Theih A Nuam Tuk Ee

YANGON UNIVERSITY IH MINO 7 PAWL CU UICO THUTHEN NAK ZUNG IN THIH DAN AN PEK SAL LO. 7.12.2022/ Kan post zo vek in yangon university ih tlawngta mi 7 pawl cu uico thuthen nak zung in tu ni thih dan an pek ding ti mi kha,

An sungkhat pawl hnen in le an sihnii hnen ih thu thei dan in thih dan a pek hrih lo ih uico zungah thih dan pek lo ding in le an thuhla niam ter ding in uico thuthen nak zung ah dil nak ca an kuat zo a si.

Tu ah an 7 ten yangon Insein thawnginn ah tuahmawh nak zianghman um lo him in an um tin a sungkhat hnen in thuthei a si.

Hi university tlawngta mino 7 pawl zumhmang ih an kaih mi cu yangon Taung Dagon Bank zung ho tu that thu ah uico pawl in zumhmang in kaih mi an si…Thlacam nak thon bawm uh si law. Kan update leh sal ding. Crd..photo..MZM, Kalay mino

Relchap; Mirum hna caah ‘A thlummi Dipa’|| Misifak hna caah ‘A khaami Dipa/ Kan hngah hlang tukmi Jesuh Khrih chuah thla December cu kan hun phan ṭhan ruangmang cang. Kan/Nan lungthin ah a hung um cio Christmasa khi a si.

Dipa thla a hung phan i kan lungthin a hung lang colhmi ‘cu A thlummi Dipa, tikhi a hung lang colh. Zumtu he zumtu lo he ‘A thlummi December’ mirang in kan hun ihlan cun ‘Sweet Dipa ‘ tiah a mikip nih phai cio a si.

Kei cu A thlummi Dipa ka ti kho loh! Miṭhen nan ca zongah a si lo kho men lai. December thla a hun chuah i kan ihmuitinh bikmi cu Khamhtu chuahni sunglawi ‘Christmas’ hi kan i hmuitinh bikmi (focus) cu a si.

Vawlei sualnak a kalpitu ding, Hell mei kam ah a dirmi hna lam hmuhsaktu le ruahchannak ngei lo, lungdongh vansang in a ummi hna ca’h lam hmuhsaktu le khamhtu chuah thla sunglawi a si. Cu rualrual in misifak hna kan sifah mualphohnak le kan ngaihchiatnak ni a si. Mirum hna an ha an i likni le an rum an langhnak ni a si ve.

A fawinak in kan chim cun mirum le misifak kan i theihni le cuai kan i thlaini ti usih law a dik deuh men lai. Kan vawleipi thleidannak in a khahni thla a si. December thla cu kan theih cio bangin khuasik thla a si tikah, thil man a fak khun. Nangmah thilthuam maw ṭha deuh keimah thilthuam ti i zuam cawhnak thla pakhat a si tiah ka ruah. Hi ko ah mirum le sifak kan i theih khunnak le thleidannak thantar a zar liopi a si

Cucu a thlummi Dipa tiah fawi tein cohlang awk a ṭha hnga maw? Nangteh zei bantuk lungput in dah na zuanh ve i cuai na thlai ve. Sifak santlai lo fa a mithmai bitni le ngaihchiatni. Mirum fa a hmaihngalni le minṭhatni. Sifak santlai lo kan caah cun a rak kha tuk hringhran. Fiang ko in kan chim a si ahcun, mirum hna caah ‘A thlummi December’ misifak hna caah ‘A khaami Dipa ‘ ti usih law a fiang bik ko.

Dipa (Christmas) a hung chuah le phak cun chungkhar kan von ihlam cio hna. Cheukhat cu chung tling tein cabuai kulh in rawldum ṭi caan a si. Bia thawthaw in biaruah le thluachuah phun za i lakpiak le i pek caan a si. Chungkhar tlinglo cheukhat cu ngaihchiat bu le mitthli hria in rawldum caan a si.

Mitthli he thlanmual kal in rihzung mual a liam cia kan chungkhar hna va tlawn caan a si. Hi thla ko ahhin mitthi zuun ngaih a fah khunnak le ngaihchiat bik thla a hung caang. Ngaihchiatnak zuun nih faak terei in a kan denni le phakni a si. Ngakṭah buangro hna nih nulepa an hlamni le ngaihchiatnak in an khahni an caah vawlei a muihni ah a cang ve. Chungkhar tling tein a um bel caah cun, chungkhar i funtomni le nuamh bik lio caan a si ve.

Thawngṭha tuk a simi pakhat cu, Van sunparnak kal taak in ngakṭah buangro hna caah nulepa can, sifak mirum thleidannak ngei lotu, ngaihchiami hna hnemtu, misual mi hna ngaihthiamtu le tlanhtu vawlei misualmi kan caah ngakchia pakhat a chuak. Amah cu a kan uktu Bawi, bawi vialte lakah bawi bik, siangpahrang vialte lakah siangpahrang Jesuh Khrih a chuak cang.

Ngaihchia lungkuaimi hna tho u law i lawm uh! Khamhtu Jesuh Khrih cu zaihla vawr in lam hna usih! Lungthin thar le ruahnak thar he amah cu dong hna usih. Lunglawm tein le ruahchannak nganpi he kan thinlung innka hong in Jesuh Khrih cu dong cio hna usih! Kan ngaihchiat le sifaknak philh in kan ca’h a chuakmi Naute cu dong cio hna usih!

Hi Baibal caang in thazaang la cio hna usih! “Kan caah ngakchia pakhat achuak! Fapa pakhat pek kan si! Amah cu kan uktu Bawi asi lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi pa, Daihnak Bawi, ti asi lai” Isaiah 9:6

Jesuh Khrih nih a chuahpi Lawmhnak, daihnak le hnangamnak cu pumpak pakhat cio nan cungah tlung hram ko seh!! Salai Van Lahnin, 2020 Dipa 12 #Kum 2020 lioah ka rak ṭial cangmi a si. A thar in ka vun taar ṭhan hi a si.

Be First to Comment

Leave a Reply

Your email address will not be published. Required fields are marked *