Press "Enter" to skip to content

SAC Ralkap Riantuan Piak Tu Hna Telhin Thongtla 126 Hna Chung In Minung 20 Leng Thlah An Si

Karenni(Kaya) ramkulh ah Karenni State Police Department nih tlaihmi thongtla hna chung in minung 24 cu nihin May 26 ah biakam nak tuahter in kan chuah hna tiah Karenni Satate Consultative Council nih cathanh an chuah.

Karenni ramkulh ah SAC ralkap thawngpe tu hna, non CDM hna tel in tlaih a si mi thongtla 126 an um i cu hna chung in minung 24 cu Karenni State Consultative Council (KSCC )nih biakam an tuahter hna hnu ah an chuah hna .

Karenni State Police Department nih SAC ralkap an thawnghlat tu hna, Dalan hna, SAC ralkap hna, palik hna, SAC ralkap an phaisa hmuhnak ah rian a tuantu hna paohpaoh le a dang sualnak a tuahtu hna cu Karenni State Police Department le tlangcung hriamtlai phu hna nih pehzulh in tlaih an si hna lai tiah an langhter.

Karenni ramkulh chungah SAC ralkap rian atuan piaktu hna he an pehtlai tu hna nih a rannak in i ngol in mipi cozah, mipi ralkap mipi lei ah i fonh ding in Karenni State Consultative Council nih nihin ah cathanh a chuah. Credit: The Chin Post

Chin ramkulh, Mindat khua chung ah SAC ralkap nih sianginn on an timh caah, mizeihmanh SAC kuttang sianginn ah kai lo ding le mizapi uknak nih a tuahmi sianginn lawng ah ap le kai ding in Mindat mizapi uknak phu nih cathanh an chuah.

Mindat khua ah SAC ralkap nih sianginn a on ding mi ah a kai ding siangngakchia pawl ca ah ṭihnung dirhmun a si. Peng mizapi uknak phu le peng fimcawnnak phu nih sianginn a onmi lawng ah siangngakchia kaiter ding le ap ding in an langhter.

SAC nih a onmi sianginn ah cachimtu saya/ma rianṭuantu le SAC nih sianginn a on mi, pehzulh khawh nakding ah a bawmtu vialte zong mizapi leirawitu an si caah dohthlennak a dih in phung ning he dantatnak kan tuah hna lai, tiah an langhter. SAC kuttang sianginn cu June 2 in kai hram thok a si lai i, June 1 tiang apnak caan ri an khiah, tiah theih a si.

Relchap >>>>>><<<<<<<< Chin ram, Paletwa peng, Kaladan va hna lei ah Nihin May 26 zing ah AA le SAC ralkap an i kap tiah theih asi, Pyichaung khuakomh lei ah zing slm 8:30 thok in kahdohnak a chuak tiah tualchung mi nih an chim i a tu zong an i kap cuahmah ko tiah a chim.

”Zing tho bak in an i kap, hriamngan puah thawng voi 20 leng kan theih, Khua chung tu ahcun hriamngan a tla lo, An i kahnak hi Paletwa peng, Pyichaung khuakomh, Pyibaungwyi pawng ah a si, Cun Paletwa in Saikel in minutes 10 hrawng kal a si nak Abawngta khua pawng zong ah puahkeh thawng a thang” tiah tualchung mi pakhat nihcun a chim.

Nizaan ah SAC ralkap a phurtu Tilawng Kaladan tiva cunglei ah a kai hnu in kahdohnak a chuah hi asi, Kan hnuzarh in AA pawl an umnak Paletwa peng khuate cheukhat hna cu eiding thla 3 ca an i zalh cua i khur zong an i cawh cua cang hna.

May 16 ahkhan Paletwa peng Tanttaung khua kam um mi SAC ralkap camp ah riahcaw a van ngalhtu Helicopter cu AA nih an kah i kaphnih kar kahdohnak a rak chuak.

Be First to Comment

Leave a Reply

Your email address will not be published.