Press "Enter" to skip to content

Sagaing Ramthen CAM Thar Cu Pi Lal Rin Muan NLD Tthiam Tthiam A Si Lai Tiah, Biakhiah A Si Cang

Sagaing ramthen Kalay myone vote dirhmun zong a felfai dih cang i party tampi le MP MLA tampi an i zuam nain NLD nih teinak a co thlu i tthutden zate an hui dih.

Pituh hlutdaw ah Pi Siami ( NLD) a tlingtthan i amah naih cemtu USDP in U Khin Mg Than cu vote 90,000 renglo a hmu, Pathum nak ah CNLD in Pu No Tawk Kap a um i vote 14489 a hmuh ve. tejnak a co tu Pi Siami cu vote 131660 bak a hmuh. Amyota hlutdaw zongah NLD in Ko Ko Naing nih teinak a co i ramthen hlutdaw 1,2 zongah NLD in Daw Than Way Kyaw le U Bawi Hup Thang nih teinak a co tthiam tthiam.

Sagaing ramthen chung Chin mipi pawl tthihruai tu ding Chin Affair Minister ( CAM ) ah NLD in Pi Lal Rin Muan nih teinak a co cang i vote 38036 a hmuh. Cun CAM ai zuam vemi pawl i vote an hmuhzat hna cu U Bawi Za Nang ( pumpak ) vote 11989, Pu San Thawm Thang ( CNLD ) vote 11099 ,Pu Thang Seia (USDP ) vote 5234, Salai Lal Than Cuang ( pumpak ) vote 5784 le Pu Bual Hnok ( pumpak ) vote 3403 an si hna.

Tu liao CAM a ttuan cuahmah liaomi cu NLD party tthiam tthiam in Pu Lal Thawm Thang a si i a caan a dih tikah Pi Lal Rin Muan nih a thlen lai. Pu Lal Thawm Thang hlanah Pu No Than Kap cu Sagaing ramthen CAM a rak ttuan cangtu a si.

Be First to Comment

Leave a Reply

Your email address will not be published. Required fields are marked *