Press "Enter" to skip to content

Salai Bawi Thiang Bik & Mai Naomi Par Ṭha Sung Hlasar An Sak Mi An Thiam Kho Taktak (+Video)

Chinmi hna nih hlasak thiam kan i ngeih mi le kan i bochan taktak mi hna Salai Bawi Thiang Bik & Mai Naomi Par Ṭha Sung nupa hi an si. An nungak tlangval lio tein Pathian hlathiang sak nak lei ah minthang taktak an si an aw zong a ttha pin hlei ah an hlasak mi zong a nung, cu ti cun Bawipa nih an nungak tlangval lio tein a hman mi hna an si.

Atu tiang an dir hmun zongah Pi Le Pu an si hnu zong ah Bawipa nih an aw zai hman a duh hna i, heh tiah khrihfabu nih siseh cun Online LIVE thlah nak lei zong in si ah Music lei zong in heh tiah Bawipa Sunparnak caah tiin an aw zai hi ni hin ni tiang hi an hman, Bawipa nih hmailei an lam tluan zong ah hmang chin lengmang ko hna seh.

A tanglei ah an hla kan van chiah zoh cio khawh le ngieh cio khawh van i zuam hna usih.

Thawngpang dang relchah >>>>>>

Justin Bieber Nih A Nun Lamthluan Ah A Hmuhtonmi Thil Chungin A Cawnmi Aphuanmi!

Rian, phaisa, sining, chungkhar, liamcia caan, duhdawtnak le lungbuainak sei khat he zingka te ah panh ngai in ka tho lai ti cu ahar ngaimi thil a si. Har nak pakhat hnu khat in harnak lawng te na cung ah aa chap chin lengmang timi na rua tik ah. Na mithlam in na cuanh khawhmi cu tihphannak ni le caan le nitha lo ni dang pakhat a rat lai ding lawng an si tik ah. Lungretheihnak, ngaihchiatnak le buaibainak cu na nunnak ah pakhat hnu pakhat in an i hel lengmang ko.

A caan ahcun hi vawlei in nun huam ti loin pialral ah kal duhnak lungthin tiang na ton caan zong a um ko lai. Zeithil hmanh hi aa thleng kho ti lo ding dirhmun in an si dihmi na lawh ter caan zong a tampi ko lai. Kan theihthiam tuk ko. Kan ruahnak zong hi kan duh bang kan thleng kho lo. Sihmanhsehlaw, kan nunnak ah kan derthawm lio caan ah hmai fong kho ding in thazaang a kan petu hawikom le dawtu tampi kan ngeihmi hi vanthat tak tak a si.
Phaisa tampi ka ngei, thil puan tha le mawtaw tha tha, upatnak le hlawhtlinnak zong tampi ka rak co ko sihmanhsehlaw ka nunnak cu a diriam kho hlei lo, ka lileng peng rih ko.

A ho poah nih lungretheinak le ngaihchiatnak caan hi kan pah cio dih dingmi lawngte khi a si ko. Sihmanhsehlaw, ngakchia pakhat cungah minthannak thilrit khinh khi vun ruat ve hmanh.
Chungkhar tha te he a thangmi ka si lo. Ka nu le pa cu phaisa fangkhat hmanh loin an I then cang, ka ngakchia rih ka lungkhong fawn. A sinain, kumhnih chung kar te ah hlawhtlinnak nganpi ka co ko.
Ka vawlei pi cu a lu le taw aa let dih cang. Khuate in a thangmi kum 13 ngakchia pa in keh le orh ah minung ting za za nih hlorhmi le dawtmi ah ka hun I chuah.

Nang na kong cu ka thei ve lo, sihmanhsehlaw toidornak timi cu a kum le caan nih a kalpi mi a si ve. Ningcang tein khuaruahnak le biahchahnak tha tuah timi pawl zong hi kumkhua he aa pehlai mi an si cuh. Mi kip nih zeizong vialte an ka tuah piak dih i nunnak ah a herhmi thiam awk a herhmi zong pakhat hmanh ka rak cawng hna lo.
Kum 18 ka si ah, dollar nuai tampi ka kut cung ah a ummi le ka duhmi paoh tuahkhawhnak ka ngeihmi cu zei tuahnak zong ka thei ti lo.

Hi hi zapi caah tih a nungmi ruahnak hrim a si. Kum 20 ka si ah a ruat hmanh na ruat kho lo ding biachahnak tha lo tak tak ka rak tuah. Cu tik ah, caan khat lio ah vawleicung in rak dawtbik mi le rak upat bik mi in nihsawh zawmhteih le huat bikmi le tlanglamhmi minung in ka rak i chuah.

Stage cung ah mi tampi hmai ah tlonlennak nakin a nuam deuhmi cawlcanghnak hi a um ti lai lo. Sihmanhsehlaw, cu bantuk stage cu thangchiatnak nganpi i phorh in vun kai ding cu a har ngai ngai mi thil pakhat zong a si ve.
Hlasa minthang hlasak khual an tlawnnak ah sii le zuu he i ciah in an nunnak a donghtermi tampi na hmuh ko hna lai. Cu pawl zong cu an thilrit an i phorh khawh lo ruang a si bik ko lai. Cu cu nuamhnak tuahpiaktu (entertainer) kip cio sin ah a tlungmi a si ko.

Kum 19 ka si ah sii tam lak te ka rak tawng cang i ka duhdawtnak pawl vialte zong ka rak sawksamh. Nu pawl sin ah thinheng le upatlak lo in ka rak um. Lungrawh ningzahnak le lungretheihnak nih a ka tlunh i a ka dawtu vialte hna sin in kai thup, i zei tik hmanh ah ka kir than kho te lai timi hi ka ruat bal lo. Cu bantuk dirhmun in chuah khawhnak ding ca ahcun a kum in a rau ve.

Vanthat ah, Pathian nih keimah a ka dawtu minung he thluachuah a ka pek. A tu cu a hlan ka sining vialte kha ka kaltak dih cang i ka nunnak lamthluan ah a tha bik caan sung lawi ka hmang cang.
Hi vialte cu, na nunnak ah harnak pawl an rat tik ah na pah khawh ve nak hnga caah ka chim duhmi a si. Zisuh nih an dawt. Tuni in NA NUNNEM> NA RALTHA cun midang pawl zong kha nangmah na dirhmun in tah si loin a dong lomi Pathian dawtnak bantuk in daw ve hna.

Be First to Comment

Leave a Reply

Your email address will not be published. Required fields are marked *