Press "Enter" to skip to content

Salai Cb Cuan:Diarhmun sang phak le’Rum na duh ah cun riantuan ning hi rak zoh ve.

Mi hmuahhmuah in dinhmun sang thleng thei kan duh thluh cio.
Amahlawngte kan dinhmun fimnak, theihthiam le thiamnak ih tlin lo mi kan beisei ruangah zianghman tuah mumal loin kan um theu.

Kan sir Abraham cun hitin in rak sim dah.
Ca ka lo zirh tikah theih awlmi (simple english) lawng ka hmang. Ziangahtile mirang nan thiam nail lo tikah a awlsam mi ka hmang asile nan fiang awl deuh ding tiah.

Tui Hnuah Ka Ruatsuak Sal
Mi tampi ruahnak țha taktak neitu ka hmu ťheu nan tuah suak mi an nei cuang lo.
An theihnak le an neihmi sumpai a milawk lo tikah ruahnak țha tak neitu thenkhat cun hnațuan niamte an țuan paihlo phah. Cutin rin aiin tikcucan a rak liam cak tikah, anmah aiih ruahnak țha neilo, zirnak nei mumal lo pawlin țhansonak lamah an hlaih vivo.

Cabu Tampi Siartu Na Si Men Thei
Țhanso duhah mirang ca țha țha ka hawlin ka siar ťheu. An pumsumleilawn dan cu zirtlak le hlawkpi tlak an si nan, ka dinhmun thawn a milaw lo mi a tam tikah ka ruahnak a buai theu. Beisei sangtuk ka neihnak in thanauin in tuah can a tam.
Na si ve can a um ko ding.

Curuangah
A niambik mi hnațuan, ramdangih hnenum hnațuan tivekih kan țanawk a rak țul can a tam em.

Na Thanau Aw Hlah
Mi tampi’n hnațuan niam an nautat laiah kan unau Tedimpawl cun mai inn ih rawl ei lo hman a țhahnem ti an rak fehpi ih ziangvek hnațuan khal hrial loin an țuan paih ruangah Chinmi lakah Tedim hi lo tuahnak țha ram nei mumal neilo khalin an țhangso lawlaw.

Dawr Tuah Ding Hmanah
Paisa ting thawng kan nei a si lo ahcun dawr cangkang tak mawitakih țan aiin dawr-inn (khan) manah cem mal dingih ruah thiam tla a țul zet fawn ding.

Hnenum Hnațuan Teh Hi Na Ning Tuk Pang Maw?
Hitin Ruat Sal Hman…
1. Kan ram ahcun cathiam, zirsang tlawng saza hmanin ting 2 kiangkap lawng hokhaw an hlawh. Cumi ruah cun a hlawh țha tuk ko lo maw?

2. Pacang țha innsak ih hnațuan/hlawhaw in Nikhat ah thawng 8-15 lak lawng hokhaw an hlawh. Cuhman nitin țuan ding an neihlo laiah, nang cun thla thar tinten ting 5-12 lak na ngah a si kha.

3. Innsangah zingzan rawlhmeh tuah dingih an buai laiah nang cun sa ei na nin can hman a tam ko ding.

4. Boruak țha sehla, khualtlawng lohli thei sehla tiih hngakhlap zettu an um laiah, hivek ka ning tuk, ka tlung men ding tin na phun pang maw? Pathianin can țha a lo pek hrih lai ruangih hnațuan nei fang kan si ti hngilh hlah uh si.

5. Innlam ih kan tanta mi kan sungtepawl cun maw, ka u, ka nau in Mas hrang thuamhnaw leinak in kuat thei sehla tiih an lo beisei laiah, na sungtepawlih țulsam mi phuhruak sak theitu na si hi manhla na ti zet ko ding ka zum.Curuangah, midang dinhmun daw aw hlah. Dinhmun sang a thleng zo mipawl dinhmun daw in na tha nauter aw hlah.Tuih a niam bik hnațuan hrial loih na țuan zuamnak hi hlawhtlinak lamzinih lo hruaitu ding cu a si.Ramsungih um hrangah mi hnenih hlawhawknak hawl rero ih hnațuan ding a um lo tiih umlak men aiin, zinkap ah sangkio ih zuar hman a hlawk deuh hokhaw.

Be First to Comment

Leave a Reply

Your email address will not be published. Required fields are marked *