Press "Enter" to skip to content

Salai Lung Thli Tum Bia hi Mifim Bia Si Rak Rel Ve Tuah,Kawlram Kongah A Chim Mi

Myanmar ram chung kan hmanmi datsi 90% khi ramdang in cawkmi an si. Kan ram ah a thiang deuhmi 92 le 95 an chuah kho lo, ramdang cawk hrimhrim a hau. US dollar in cawk a si.
Ram chung dollar a zuartu an tlawm, a cawtu an tam deuh caah datsi company nih fawi tein dollar an caw kho ti lo. Bahu bank nih atuletu in dollar a zuarh hna. Billion deng an zuar cang.

Bahu bank ah a ummi dollar a dih sual ahcun datsi man le US dollar man van an tong lai i khuaci kan mui te kho. Ram chung chuak thilri ramdang ah export a karh lo ahcun mualpho te ko lai.
Voksa cuai khat kha kyat tinghra in cawk caan kan phan lai lo ti zong hohmanh kan chim kho lo. Hi ‘failed state’ dirhmun kan phak nak hnga ai zuammi phu zong an um ve, MAH tei khawh nak ding lam tha pakhat tiah an ruah.

‘Failed state’ kan phan ahcun MAH nih amah lungtho tein a thutdan a chiah tak ko lai, kan ram ai thleng thai ko lai timi i fiang sehlaw a phu ve ko hnga nain mu.CRD LUNG THLI TUM

RELCHAP. THAWNGDANG..Phapon peng chung Mepali BGF riahbuk KNLA Brigade 5 nih an lak Kayin ramkulh, Phapon pengkomh, phapon pengchung Mepali khua ummi Kayin ramrihngak ralkap BGF riahbuk pakhat cu KNLA Brigade 5 nih January 16 ah an kah i an lak tiah KNU Brigade 5 in chimnnak naqlngeitu Pdumanman nih achim.

Hi riahbuk hi Kayin ramrihngak ralkap BGF no.1014 batalian tang riahbuk asi i KNLA Brigade 5 Batalian 102, Tatkhuai 5 hruainak in lakmi asi tiah theih asi. Ralhrang kuttang Kayin ramrihngak ralkap BGF ralkap hna cu ralhrang sinah na fonh i na bawmh rih ahcun BGF riahbuk paoh kan in kah lai tiah KNLA Brigade 5 nih a hnubik ralrin an pek cang hnu ah zarhkhat rau lo ah BGF riahbuk an kah i an lak hi asi.

Be First to Comment

Leave a Reply

Your email address will not be published.