Press "Enter" to skip to content

Salai Lung Thli Tum:CNLD hi zeidah an cang hoi’MP hlun Pu Con Kheng zong CNLD nih an phuak ve.

CNLD phu hi zeidah an cang hoi? Falam peng ah a lar ngaimi MP hlun Pu Con Kheng zong CNLD in ai phuak ve. Anih hi CEC chungtel zong a si. Ai phuak nak ruang theih a si lo.

Pu LMC hruaimi Chin party CNP thawn lei a panh thluahmah lio ah Pu Nothankap hruaimi CNLD belte cu tumchuk lei a panh cang ko rua. Thantlang peng Chin party EC 55 chung ah 52 nih Pu LMC an panh i 3 lawng nih Pu Nothankap party an panh ti a si.

Atu ning in cun Thantlang peng ah Pu LMC phu cak ngai te dawh an si. Thantlang peng cu CNF a tanhmi kan tamnak a si caah Pu LMC phu nih strategy tha an hman thiam i Pu Nothankap kong CNF cathanh(2007) kha khuate kip an phawt hna ahcun Pu No tapeh pawl an cawl khawhnak ding lam a um bak lai lo.

A tang zong hi relchap ko uh:

Nupi tha nih innchung khar cu a kilven, a bawmh chan i, a nuamhter. Nupi tha lo nih cun innchung khar kha hell bang in a caan ter tawn. Mother’s day ah nu le nupi le hna cawnglomh a si bantuk in, nu le hna zong nih ralrin awk le mah hi nupi tha lo nunzia hna hi hrial awk tha an si.

(1) Zingka Tlaituk Thawh Hmangmi Nu: Nupi thathumi hngalh khawhnak bik cu zingka ah zeitik hmanh ah tuan ah a tho bal lai lo. Ni a tlai hnu ah a tho lai i, thawh duh lo poh ah ka dam lo ti a hmangmi nu cu nupi tha lo, thathu cazin ah khumh ding an si. Mah bantuk nu nih hin chungkhar ah thil tampi a tlohter dih i, inn chung khar ah a herh lo in phaisa hlei dihnak le ngandam lonak a chuahter.

Chun lai cir tiang ihnglih mi nupi hna cu mak awk tlak hmanh an si. Fa le he zei tluk buai hmanh ah, zingka tuante thawh i chungkhar caah rianlim ding cu nupi tha dirhmun a si. Nupi tha cu chungkhar ah tuanbik a thotu a si lai i, inn chung rian vialte tuantein a tuan cia dih.

(2). Ai filhhnawmh Mi Nu: Innchung leng thianghlim tein chiah a hmang lomi. Mah le hnipuan, fa le va le hni le puan hna thianghlim in a chia duh lo i, hnawk khak taktak in khuasami cu a man um lomi nu a si. Amah le mah aa upat lomi a si bantuk in a innchung khar a upat lo pin ah inn pa chakthlang le cing le la rualchan upat lomi cu a hmurka in a langh lo hmanh ah ai filhhnawmhnak nih khan a langhter lai.

Mah le pumhsa hmanh thianghlim tein a um kho lo i, a rim a nam mi – innchung hna a rim a chia buin a um khomi nupi hi, nupi tha lo taktak mi theihnak pakhat a si.

(3). Ahmur Sau i, Mi he Ai Si I, Mi Kongceih le Bia Thala Inn Chungkhar ah a Phakpi tu: Nupi cu zei tluk a fel i, pumh a huammi asi hmanh ah, a hmurka ai sum lomi nu cu nupi thalo a si. A leng kip ah a vak i mi dang kar ah bia ai thlak ruang ah le thil dikmi fiang theih lo in bia a puanter mi nu cu chungkhar ah hellmei bang a ser tawn. Ral a ngei lai i, a hmur sau caah khan mi nih simh mi a si lai. Mah bantuk cu nupi tha lo hngalhnak lehkhana pakhat a si ve.

Fa le va le cung zong ah volhpamh a hmang lai. A kaa ai sum lai lo. Mah bantuk nu cu nupi thalo leh khana pakhat a si.

(4) Phaisa Sem A Rel Kho Bak Lomi: Inn le lo zong thianghlim in a chiah kho ko. Zingka zong tuan in a tho i, chungkhar a zoh khenh ko. Phaisa zong akawl kho pah lehlam. Nain, phaisa cu ti bang in a hmang mi, phaisa semrelnak pelte hmanh a tuak lomi nupi cu nupi thalo a si. Va le chuahpi mi phaisa kut cung a phanmi poh den dih lengmang a hmangmi hna hi nupi tha lo an si.

Thil a biapi lem lomi tampi cawk ahmang lai. Rawl chumh chuan awk tha lem lomi neknawi tampi cawk a hmang lai. Angki le thilri a man fakmi ko thim i tam lak te shopping ah hloh a hmang lai. Thil neih ciami hna hlawnh dih a hmang lai. Tu le lek leng chuah a hmang lai

(5) A Zaw A fak Pengmi: Thathutnak alanghtertu pakhat cu ‘ka dam lo’ ti peng hi a si. Minung hi cancer tbtk zawtnak nganmi taktak um lo ah cun a dang poh poh hi cu thinlung a si. Mah le mah zawt ah i ruah ah cun zawt a si. Thathut i zei hmanh tuah huam lo i, ka zaw ti rumro a chim peng mi hi nupi tha lo an si.

Sibawi he i piah ding rumro a ruat mi a si lai. Zei tik hmanh ah damnak kong chim lo in, dam lonak rumro chim zai a hmang lai. Ih khun cung rumro ah a it peng lai, a taap thulh peng lai. Khaw zei maw lungzawtnak ka ngei ti phun ngawr phun khin a um lai.

(6). A Lung Khongmi Nupi: Va le nih chimh hrin le uk khawh a si lomi nu cu nupi tha lo a si ve. A fel ko, a ngan zong a dam ko. Phaisa zong sem a rel ko. Tuante zng a tho, inn zong a zoh khenh, a hmur zong a sau lo, nain nupi tha lo lehkhana te pakhat a um mi cu va le zei rel lo a si. Va le nih tuah awk a ti mi zei hmanh tuah tim lo, va le kha mi hrut ah ruah an chim mi zei hmanh a ngai lomi nu cu nupi tha lo a si thiam thiam. [ Va le zong nupi le chim mi zei hmanh ngai lomi cu va tha lo an si ve.

Note: Hi cabia hi USA Chin News timi hi kum 2018 lio ah a rak tarlangh mi a si. A thar in kan rak i lak tthan ve.

Be First to Comment

Leave a Reply

Your email address will not be published. Required fields are marked *