Salai Van Biak Thang A Hringtu Pa Nih A Chim Mi Cu Hnarno A Tam Tuk Ai EE

Kan theih bantuk in Salai Van Biak Thang cu April 1 ah AungChianTha khua ah Ralhrang ralkap le palek hna he an i kah dohnak ruangah hliamhma fa tuk in a tuar.hliahma a tuar hnu nithum nak April 3 tuchun ah a nun nak ram le miphun caah a pek ruangmang.a thih nak konghe pehtlaih in hringtu a pa nih bia a chim mi cu Lai pasal t’ha taktak a si nak fiang te in hmuh khawh le theih khawh a si.

Salai Van Biak Thang hringtu a pa nih a chim mi hna cu Kawl ralkap Min Aung Hlaing nih hramhram in rampi uk nak cu a vun lak tik ah ram mipi vialte nih ralkap uk nak kan duh lo tiah mah le ven hawng nguh tawk cio in CDM tuah cio a si.mi tampi hna nih cun an nun nak tiangin ram le miphun caah an pek cuahmah cio.rampi huap si lo in Kalay-Kabaw ramkulh chung huap in mipi kan dirhmun ai khat cio lo.CDM kan tuah ning le kawl ralkap kan doh ning zong ai khat cio lo.

Kalaymyone chungah hin mi tampi nih ram uk nak t’halo doh nak caah an nun nak an pek cuahmah lio ah micheu Nu le Pa hna nih cun an mah pumpak hmanh kha CDM an tuah lo hlei ah an fa nau le vialte hna zong CDM tuah an senh hna lo.cu ti bu cun an fa nau le mi tampi hna nih CDM a tuah chih i a nun nak a pe mi zong an um leng.micheu hna cu inn chungah Nu le Pa nih CDM tuah kho lo in hren mi an um len fawn.

Cun,micheu hna cu mipi lei ah maw an dir kawl ralkap lei ah dah an dir deuh ti hmanh mah le mah dirhmun, sining i thei lo in aw lawk chongin a um cuahmah mi zong an um.asinain kei cu Ka fa pa le hna pahnih cu ram le miphun caah CDM kan tuah lai an ti caah lunglawm le tha nuam taktak in an i thawh lai ah khupbill in Sertu Pathian sin ah Thlacamnak ka neih piak ta hna i,lung diriam tein Pathian sin ah Thluachuahza ka hal piak hna hnu ah ka fa Salai Van Biak Thang a thih hi a si.

Pathian sin i thla ka cam piak hna lio ah cun nung dam tein an rak kir t’han khawh nak hnga le kan ram nih niceu dawh kan hmuh cawlh khawh nak hnga tiah thla ka cam na in ka fa cu a ruaktu in inn a rak hlam.asinain ka fa a nun dam lio ah Pathian sin ah thlacamnak ka neih piak lio i Pathian sin ah ka hal mi hna kha a tlamtling dih lai tiah ka ruah pin ah Ram le Miphun caah ka fa pa nih a nun nak a pek mi hi ka lawm tiah a chim.

Leave a Reply

Your email address will not be published. Required fields are marked *