Press "Enter" to skip to content

Saya Sui Maung _ Kei mi hi ka zuamcawh sawh sawh bal lo Mi a zuamcawh hmasa mi cu saya Rual uk hi a si Pathian dawtnak in kan dam a si ah cun a duh ning tein a duhnak hmunah ka va tawn te lai

Saya Rual Uk cu Online debate a duh lo natein online ah a holh kho ngai kha teh. Kei mi hi ka zuamcawh sawh sawh bal lo. Mi a zuamcawh hmasa mi cu saya Rual uk hi a si. Bia a chimhnak paoh paoh ah UPC min le Oneness min hi a tenh peng. Ngakchia a debate lio ah kan Pu Ralbuai leh UPC min chimh bakin a holh, Samuel kha UPC aiawh a silo, an personal debate si.

Tutan ah Laipa Kutzung nih a live lio break times ah chikhat te ka vun ngai ve i, Oneness hman mi Bible hi kan Bible a si, Bible an ngeilo tiah a ti.  Bible Genesis in Malaki tiang, Pathian pakhat lawng lawng a bia mi Israel mi hna Ca-Uk a si. Cun Biakam thar Mathai-Biathlam tiang hi Israel Pathian biaknak kaltakin Jesuh lawng lawng a zumh mi Lamkaltu hna CA-Uk a si.

Lamkaltu hna nih cun Israel Pathian kha Jential Pathian hi a si ve tiah an cawn piak hna, Rome 10: 12. Rome 3:29-30 Israel mi hna nih Pathian hi Fapa ah a rat khawh an zumh lo caah an Pathian pumsa in a ra mi kha jentail hna sinah an pek. Luke 1:68, Mark 10:33.

( Oneness pawl nih Pathian ah MI pakhat a ti lengmang mi hi a lih a si, MI Pathian or Pathian Minung kan bia bal lo.) Pathian nung pakhat Holy One of Israel Pathian Emanuel kha kan biak. Pathian dawtnak in kan dam a si ah cun a duh ning tein a duhnak hmunah ka va tawn te lai. Sui Maung

Kawl Siangpahrang Si Duhnak Zawtnak nih Molh Lakin Azel I A Hrut Cang Mi MAH, Hlanchan Kawl SPH lak hmanh ah Cungnung deuh mi le ropui deuh mi an ngeih tawn mi, Lungvar Mangtara, Vuirang cu MAH nih aa ngeih ve cang. SPH uknak chan cu asi ti lo nain, Kawlram Uktu vialte lakah KEIMAH MAH hi a cungnungbik le ropuibik ka si tiah aa lunghmui tuk. SPH siduh tuk nak ah a mawlh pi cang, a hrut pi cang caah: Mipi cu Ramdang mi ral Bantukin an kan tuk, an kan hrem, an kan tlaih, an kan thah thluamah cang.

SPH asinak hlawhtlin cikcek awk ah Buddhist biaknak Mission biatak tein a ṭuan, Phungki ngan vialte amah minung ah a can ter khawh dih hna. Pagan Pennak a dirh tu le Buddhist biaknak karh ter hmasat tu King Anawratha nih a sak mi Pura Suisiikhun min put in Russia Amyotha Pangpar dum ah Suisiikhun Pura cu a dirh ve. Thidaku Phungki lian he an dir.

Hriamnam bochan in Uknak Chuttu hna chan zong ah Vuirang hi an rak hmuh cio nain, MAH nih amah chan ah hmuh mi VUIRANG hi a Dotla bik mi asi. Vuirang sinak puitling a ngei, hi bantuk Vuirang hi kawl tuanbia ah aum ballo, KEIMAH chan lawng ah aum mi asi. Khuazing nih KEIMAH SPH sinak caah van in a hung thlak mi asi ko tiah MAH nih a zumh.

Hriamnam bochan in uknak an kan chut tu MAH asi ko nain, Mipi nih ka cohlan hna seh ti hi aduh hrinhran ve. SPH Cungnung si awk ah ngeih a herh mi Lungvar Mangtara, Vuirang, Kawzaw senpi, tbk aa ngeih dih cang. Mipi nih ka cohlan hna seh, Buda Mission cu he chet tiah aa zuam. Russia ah Pura a sak, Mipi nih cohlan ahcun Zungzal SPH bak ka sicang, Kawlram mipi lawng siloin, Vawleipi nih Vuirang le Lungvar nganbik a ngeih mi SPH in ka cohlan hna seh ti zong a duh chih mi MAH asi.

Mipi nih kan cohlan khawh tilo caah sivang in an kan that lawlaw hi asi. Mipi le phungki rual he nifatin a mah kan doh mi cu a hngalh ko buin, Vawleipi ram thawngṭhabik Bantukin TV in bia a chim. A chunmang, a hmuitinh le a target vialte cu saupi in TV in an kan cawnpiak. Achim cia mi atu le tu aa nawlh ṭhan. Eilo rawl ah cun a khim bik kan si lai ti tiang in, mipi nih simh lak in TV ah Saupawt in bia a chim. Mipi le rampi a dawtu SPH hna Bantukin bia aa chim ter.

Kawlram uktu hna le SPH chan ah Vuirang cu an hmuh cio ko nain, tu Vuirang bantuk hi aum ballo mi asi. Kawlram a Lianngan cang lai, a rum cang lai, tinak asi caah Mipi nih ka chimh mi hi ngai uhlaw, ka hnu ka zulh ko uh, tiah SPH siduh nak in a hrut nak cu TV in a phuang. Sinak puitling, he, pelte hmanh soisel awk aum lomi VUIRANG a hung pawt cang tiah, Rampi TV, Tadinca le NEWS kip ah a phuang ter hna. Ni 10 te lawng asi rih ko nain VUIRANG sining in a puitling bik mi asi tiah MAH nih a kaa thih chuak deng tiang in a phuang.

Aruang cu nan SPH cu Keimah MAH ka si nain, nan ka doh caah thah nan si ti nak asi. A u le a pu le ralhrang hna nih an hmuh mi Vuirang cu an chiah nak ah va zoh in cuaithlai ding hmanh khi ka lung ah a chuak cang. Mi kut ah sovo lian deuh ti asi nain, MAH cu amah kut ah sovo lian deuh. Myanmar Light News nih Thavua Vuirang mi tiah 3.8.2022 ah an thanh colh.

Vuirang ngeih SPH ka si ti a langh ter duh caah, Ramdang ah Konglam lo pi in aa kal ter. Uknak an kan chut ri in an ram ah lutnak nawl an pek lo. Ramkhat lawng ah kalnak nawl a ngei. A paiper le seihnam tlet dih tiang in a kal cang. Rampi uktu Luzik sinak le SPH sinak in an cohlan lo, Meithal cawk tu Broker min in an cohlan mi asi. Putin nih MAH he tawn a duh lo.

Ralbawi hna, Nuclear Mifim hna, hriamnam brokers tbk he lawng an tawn ter hna. Rampi ai awh tu asi nak in Dinner le Party zong an tuah piak ballo. Ngakchia tuah in an tuah ko nain, ningzak a hngalh lo tuk caah tutan cu a kal ṭhan. Rampi Humhimnak le Buda Mission caah a kal tiah cozah news nih mipi cu an kan hlen ve. Phungki lian Thidaku cu aa hruai I, Mosco Amyotha pangpar dum an sak mi Suisiikhun Pura va zoh awk le va biak awk ah aa kal ter.

Abiak tu um lo nak Russia ah Godama Zuk sunlawi cu a chiah ko. Russia nih Ekah 500 leng a kau mi Pangpar dum an tuah. Ramkip kha museum le duh mi sak awk ah an sawm hna. Kum khat ah Ramdang a ra mi, million tampi si hna seh law, Dollar lut seh, UNESCO nih kan cohlan sehlaw, Bawmhnak tampi kan pek seh ti kha Putin planning cu asi. Cu ka ahcun MAH nih a saw ve caah, Suisiikhun Pura an sak mi cu asi.

Russia ah Buddhism a karh tuk tinak a silo. Sipuazi caah Putin nih ahmang mi kha SPH MAH Thavuah nih ahngalh lo bia, a thluak a chiat tuk ve caah, Putin nih a hlen khawh tuk. MAH nih cucu SPH cungnung bik Bantukin aa kal ter. Thidaku phungki pa nih Kawlram pi dindaihnak in khat seh tiah thla a cam. Mipi cu ni fatin thah lengmang kan si hi an hngalh buin, Russia Jet Fighters le Helicopters in mipi cu nifatin an kan ko buin, Dindaihnak um seh thlacam cu a mak ve te aw. MAH nih a sualnak vialte kha Russia ah Pura biaknak in Thidaku nih a thah piak dih, ngaithiam asi nak lai atuah piak mi asi. Zungzal SPH si ko a ti duh nak si. Joseph R Thang

Be First to Comment

Leave a Reply

Your email address will not be published. Required fields are marked *