Press "Enter" to skip to content

Seksi Model Nan Mwe San Cu Ralkap Nih Kum 6 Thongtla Dingin Biakhiahnak An tuah Piak Cang

Model Nan Mwe San cu Article 33 (A) in thong kum 6 thlak ding tiah bia an khiah tiah SAC leiṭang NOM nih September 27 ah a thanh. Article 33 in sualphawt mi Model Nan Mwe San cu Insein thong nih thong kum 6 thlak ding in bia a khiah i.

Lemcang Tin Zar Wint Kyaw zong Mayangon biaceih zung ah a sualnak an zohfel lio a si tiah theih a si. Tinzar Wint Kyaw le Nan Mwe San cu rian le thong kum 7 thlak khawh a si mi Article 33 (A) in SAC nih August thla chungah sual a rak phawt hna.

Nihin Zing Hakha Thar Kahdohnak Ah SAC Ralkap Chungtel A Thimi An Um, Inn Cheukhat Meithal Kuan Nih A Khen, Nihin September 27 zinglei ah Hakha thar lamruk tonnak um SAC ralkap check gate cu CDF nih an kah, tiah theih a si.

Tual chung mi pakhat nih, “Hakha thar lamruk tonnak check gate cu Chin hriamtlai nih nihin September 27 zing ah an kah hna. Kahdohnak cu zing sml 8:00 hrawng ah a dai,” tiah The Chin Post ah a chim.

Cu kahdohnak ah pawngkam inn cheukhat cu meithal kuan nih a khen len hna caah an rawk. SAC ralkap chungtel pakhat a thi i, pakhat hliamhma a pu, tiah tualchung mi hna sinin theih a si.

A luacia August 30 zing sml 6:30 hrawng ah Hakha thar lamruk tonnak ah kahdohnak a rak chuak i, SAC ralkap nih hriamngan an kah ruangah Nahau tlang um Hranhring khuami, Pu Lai Hram inn a khen caah naupawi lio nu pakhat telh in minung 4 hliamhma an rak pu.

Pu Lai Hram te cu rawl an ei lioah an kudawng cung in hriamngan kuan cu a tla i hriamngan kuan pelpawi nih a khen hna caah SAC ralkap nih Hakha sii-inn ah an rak kalpi hna. the Chin Post

Ruah awk a tlak, Kaa bochan ngaimi Pathian riantuantu pakhat nih, “Zumtu le Phaisa” timi tlangtar in zumtu nih zeitindah phaisa kan kawl awk a si? Cun kan hmuhmi phaisa cu zeitindah kan hman awk a si? timi a kan cawnpiak.

Zumtu caah a thiangmi phaisa hmuhnak lam tampi a kan cawnpiakmi lakah, pakhat cu “Lottery ticket luarpar kai lo tein caw tawn law” {have disciplined habit of buying lottery ticket} a ti.

Ram ttha deuhmi nihcun hi kong tam deuh nan theih lai. Rampi cozah Lottery hi phungning tein an tuahmi siipuazi pakhat a si caah thil ttha lo le sual ah zapi nih ruahmi a si lo.

Nain Pathian riantuantu tampi nih hi bantuk Lottery cawk hi khrihfa ca ahcun sual a si, a ttha lo, titu zong tampi an um ve. Kan nih Lai miphun nih huap bi deuh tete in kan hman ngaimi “lucky draw” hi Lottery kan timi he aa khat bakmi cu a si ko.

Nain an i dannak cu Luck Draw cu a tlangpi in siipuazi ca ah siloin mibawmhnak siloah a buu rian rianttuannak phun khat khat ca deuh lawngah tu tiang cu kan tuah rih..

Hmai lei ahcun minung pakhat nih siipuazi caah, Luck Draw tuah i laksawng manfak taktak ser zau in tuahmi zong um te khawh kan si. Cucu Lottery cu q hei si te ko hnga cu mu..

Atu i Zumtu nih kan tuah ve awk a si maw, kan timi Lottery cu cu bantuk cu a si. US/Australia lei Laimi hna Lottery ticket cawk hmangmi kan um maw? Hi kong ahhin zeitindah kan Chin mipi ruahning le lungput a si cio hnga? Kei zong nih huat awk a si le si lo ka kawl, ka ruah cuahmah lio ve.. H.B.L

Be First to Comment

Leave a Reply

Your email address will not be published. Required fields are marked *