Press "Enter" to skip to content

Singer “Iang Len Sung” le Vanlalsailova Hi Lomhpi Cio Hna U Sih (+Video)

Kan Chinmi chungin hlasakthiam kan i ngeih vemi Gospel Singer “Iang Len Sung” h a theilo mi kan um tuk ti lailo tiah zumhnak ka ngei . Thantlang peng Tlanglo khuami a si i Hakha khuapi ah a um i hmunkip ah Pathian hlasak in a vakmi Iang Len Sung cu , can zeimaw zat chung hlasa in a um hnu zong ah mipi theihtuk asi lem lo nain a mah a tikhawh naklam hlasaknak in Bawipa rian ah kar a hlang pengmi a si .

Mipi nih theih ahung sinak hi mizo hla “I Tap Thawm ah” timi hla a cover nak in Chinmi ramchung ramleng um mi vialte si hna seh mizo ram tiangin theihmi le ahung lar mi Singer pakhat ah a hung i cang . Mi tampi nih ruahnak ah cun hi hla mizo hla acover mi lawngin hlasa ah an ruah nain a mah hi a hlan pi in hlasak thiam a rak si cang i mizo hla cover a tuahmi hmang tuin mipi nih van theih tu a si deuh .

Mizo hla cover a sakmi “I Tap Thawm ah “timi hla cu a dir ah hin youtube ah 1.9 minllion views a phan ve cang i mizo pawl tiang nih an ngeih huam bikmi hla pakhat ah a hun chuah than . Mizo ram chung ah hin kumkhat ah voikhat peng Gospel hlasak mi chung in view a tambik le an uarbik mi hla hna cu thim a si zungzal i , Tutan Iang Len Sung hlasak (Cover) mi zong Tio (10) chung ah a hun i tel ve .

Zeitluk in dah lunglomh awk a si , zeica tiah mizo ram ah hlasak thiam tampi an um i kumkhat chung ah gospel hlathar music video aa chuah mi mi tampi an um nain culak ah kan mah Chin nu bak nih 2020 chung mizo gospel hla thimnak ah a mah sakmi nih Top (10) chung dirhmun a van lak khawh vemi cu lomhpi a phu taktak mi a si . Hmailei zong ah Bawipa nih hruai seh law mipi min a that ter tu le Bawipa ram kauhter tu ah hmang chin ko seh .

TOP (10) MIZO GOSPEL SONG (2020)

1.Thinlung A Thlir Zawk (Vanlalsailova) 2.Min Hmangaih (Bethsy0 3.Van Hmun Ropui (TBC Zaithanpuia) 4.Hahchawlhna (Vanlalsailova) 5. Mamawh Chhanna Lal Isua (Bethsy,Pensy,Temi Sailo) 6.Harhna Ropui (Zoremi,Ruth,Tete) 7.I Lamah A Tang Lalpa (Vanlalsailova) 8.Amen Kapeta (Melody for Christ ) 9.Iang Len Sung (Itap Thawmah Cover Song) 10.Khawvel Hreawm I Tan Min Ti (Melody for Christ ) hna an si i , Vanlalsailova nih 3 bak a co .

Be First to Comment

Leave a Reply

Your email address will not be published. Required fields are marked *