Press "Enter" to skip to content

Singer:Deborah Hoi Tial Kip’ Ei awk tha mi thingkung’Na tlai mi theițha kha tlai peng ko mu.

Theițha a tlai mi thingkung cu,a tlai ei duhah a nge hna khiah a tong,nam in tuk hna a tong,hliam hma fak ngai a ing tawn hna in,a tlai kel te in a thei cu a tlai peng!

Nangzong zumtu theițha a tlai mi na si ca-ah,khiah na ton caan a um ve lai,tuk na ton caan a um ve lai,cutikah na tlai mi theițha kha tlai peng ko mu’Ei awk țha mi zumtu pei na si cu.

A tang hi na rel rih lo cun relchap ko:

Ka chim bantuk in mipi duhnak ka van langhter thluah mah lai ka ti bantuk in hi mipi duhnak ka langhter mi hi ka ruahnak a si lo. Ramkheel lei mit in keimah kee tein ka vahnak le ka mit le ka hna nih a theih mi an si caah ka chim mi a si.

2020 thimnak ding ah mipi zong nih an ih caan te an chantling cung khua an ruah caan ahcun a ho dah Chief Minister tuan ding ah a tha bik hnga tihi a si.

Cu bantuk Chief Minsiter caah an duh mi 75% hi atu lio Chin Ramkulh Sipin Minister U Soe Htete hi a si. Pathian nih 2020 kum ah zei bantuk thutden dah a pek te lai cu kan hngal kho lo nain mipi thinlung ahcun amah hi a si.

U Soe Htete hi a biaruah a nuam. Kei he hna cun vui tamtuk kan i tong i mi tihzah a thiam, misawh sawh chawnhbiak hrim cu a thiam tuk, tar nu tarpa hna nih ton an duh caan ah ka va kalpi hna i a biaruah ning a thlum al tuk, a mithmai a panh, lakphakti dinh ta loin lawiter a duh hna lo, bia phei te le nemte in mi a chawn, local media hna he naih niam tein a um kho peng. Mi upat a thiam ning. Falam kan kal lio zong ah motor in kan tum bak le kee in thingphur le ti than mi nu pawl a hmuh bak hna in ti maw nan than hna tiah amah nih a chawnh hmasa hna.

Mi nihcun bawi a si tiah an tih lio ah amah nih hawi kawm bantuk in mi a chawnh biak hna. mi biachim mi a hna lawng in a ngai lo, a kut le ke in tuah awk tha mi cu a rauh hlan ah a tuah piak hna. Hihi keimah hrimhrim nih a nuncan ziaza ka hmuh mi a si. 2020 thimnak ahcun amah hi Chief Minister caah cun a tha bik a si ko lai tiah ka zumh.
By:Ro lain

Be First to Comment

Leave a Reply

Your email address will not be published. Required fields are marked *