Press "Enter" to skip to content

Singer:Sui Hlawn Rem nih’A pasal duh cem mi a rak phuan cang hi.

1. A hmaisa in, na suahnak khua leh tui nan umnak, in sim thei pei maw? ANS : Aw… (Thantlang peng – Sopum) khua ah ka suak i hinah thanglian, khawsa mi ka si i tu ah khal kan um lai.
2. Na Nu le Pa teh an dam tha hai maw, an hmin in sim thei pei maw? ANS : Aw Pathian zarah an dam tha Ka Nu – Sui Thluai Nawn. Ka Pa – That Kulh Lian an si.
3. Unau ziangzat nan si i nang a paziat nak na si? ANS : U nau panga kan si ih kei hi a lai ta bik ka si.

4. Tu hi kumziat na si, na suah kum leh nithla in sim thei pei maw. ANS : Atu hi kum 23 ka si. 18, 8, 1997 kum ah ka suak. 5. Kumziat na tiah hla na raksakthawk, Hla fingziat na sakzo Single Album na suah thei hrih maw? ANS : Ka cin ban, ka theihawk hrawngin hlasak ka rak thok zo. Hla ka suah zet cu ziangzet ciah ti ka thei lo i (Fing35) lan hrawng si ding. Single Album cu ka suah thei hrihlo, Atu hi kan timtuah rero lai a siih ka țheh deuhhrihlo, a rei hlanah a suak dingih thazang in rak pe cio uh tiah ka lo sawm cia hai.

6. Na hlasakmi lakah ziangmi hlate si na duh bik? a silole ziangmi hla na sak mi in na nun a lo neh bik? ANS : Hla ka sak mi hmuahhmuah hi ka duh țheh, (”MUALPHO IN A KAN CHIAH LO”) timi hla hi ka duhbik le ka nunnak ah hmual a neibik in ka nunah hna a țuan bik tin ka ruat.

7. Ziangvek hla pawl na sak theu? Ziangvek style si na uar zawng? ANS : Ziang hla khal ka sak thei ko. Country le Slow hi ka mil bik, Rock style hi ka kaih lo. 8. Hmailam ah ziangtin kekar vivo na tum in sim thei pei maw? ANS : Bawipa in i zangfah sung cu Aw le Zai in Amah hna thianghlim tuan ding in ka tum ko.
9. Pathian hnatuan dingah ziang mi a thupibik in na ruat? ANS : Pathian thawn theihawk, Amah Pakhatnak ah ret kumkhua le a hna kan țuannak ah lungawi tei’ um hi a thupi bik in ka ruat.
10. Ziangvek mipa Pasal dingah na duh? AND : Pathian a thei ih hmelțha le keimah i duhdawt thiam tu, cun kan Innsang a duhdawt thiamtu le Inn sungsang țuanvo a la theitu Pasal ka duh.

11. Love Song hi sual ah na ruat maw, Ziangtin si na hmuh ve dan ? ANS : Love song hi sual ah cun ka ruat lem lo. A sinan keimah in cun sak ka tum lo, Pathian thawn kan pehzomawknak ah ka nun țhangter tu a si lem lo tin ka hmu. 12. Gospel singer dinhmun in ziangha har na ti bik? ANS : Mipi in in theihthiamlo can khi a har bik ka ti. A san cu in sawmtu pahnih pathum in an tonawk tikah in sawm hmaisa tu hnenih feh a țul. Cu tikah mi dang in an theihthiam lo mi khi a har bik ka ti. 13. Thlarau lam ih kan țhansoh thei lo hi ziangruang bik a si tin na ruat? ANS : Bible kan siar lo, thla kan cam lo, Pathian thu kan ngai lo ruangah a si bik ko.

14. Pathian hlasaktu dinhmun in ziang vek caan si na lungawi bik caan in sim thei pei maw? ANS : Mipi in Rundamnak an co caan hi ka lungawi bik caan a si. 15. Mipi hnenah thuruah sim duh na nei maw? ANS : Thuruah nak can in neihter mi parah ka lungawi tuk. Pathian ih in pek mi ka awzai le zaihla in Bawipai hna kan țuannak ah thazang in pekih in dinpitu Chin miphun hmuahhmuah nan parah ka lungawi tuk.

Hmailam caan khalah, nan thazang peknak ka tul kumkhua. Sim/Zirh ka țulcan le in Sim/ Zirh dingah ka lo sawm. Keimah vekin aw le zaihla thawn Pathian a rianih a hnatuantu pawl khal thazang pe cio uh. Duhdawtnak thawn pakhat le pakhat thazang pe thiam bawm thiamtu si zuam uhsi. Bawipa in thlawsuah lo pe cio sehlaw

Be First to Comment

Leave a Reply

Your email address will not be published. Required fields are marked *