Thantlang ah Helicopter kan zuat. May 16 Suimilaam 10:35AM tluk ah Helicopter a rak tum than thilri tlawmpal a thumh i cu hnu ah minung zawng chap hna dawh a si. TV chung Zatlan zoh bantuk in kan zoh sawh ko, tuahkhawhmi kan ngeih lo zia zoh sawh ko lo ahcun zeiti va tuah awk zawng tha fawn hlah kaw a poi tawk ko.
Sniper kan ngeihmi ka van hlam ngaingai! Aman a faktuk le Duty nak ah kan hmang huaha tawn lo kam khat lei ruah ahcun Duty nak ah hman lo ding ah tingthong leng in cawk a phu maw ti zawng ka ruat!
Nain dothlennak ahcun thinlung a biapit ca ah zeitik hmanh ah uico hi teinak kan pe lai lo. KAn zuatmi Helicopter bel a duh caan ah inn ah a rak tin i duh caan ah zalen tak in a kir than mi hi cu thin a sawh ko. Credit; Salai Dk
Thawngdang Relchap>>><<<< Chin miphun, “Pumh Khrihfa” lawng kan si sual maw? Chinmi (Laimi) nih kan Khrihfa biaknak cu nitin kan nunnak ah kan i nunpi khawh lomi kong ka ruat tik ah aruang pakhat a si rua tiah ka ruahmi cu kan pumh caan a sau tukmi hi a si. Khrihfa kan sinak vialte cu saupi pumhnak kan tuahmi ah kan i rinh dih, kan bungh dih.
Mah cu a za tuk cang tiphun in kan ruah. Phundang kan chim ahcun saupi pumh kan hmangmi kha kan i rinh dih. Nitin kan nunnak zongah a hei huap dih ko tiphun in kan ruah. Mah tik ah a phichuak cu nitin kan nunnak ah kan Khrihfa cawnpiak nak le zulh ding tete zong kan zul duh tawn ti lo i kan i nunpi duh ti hna lo.
Zarhpi ni ah saupi ka pumhmi kha a za diam cang ko tiphun in kan ruah peng. Laimi caah Khrihfa biaknak a sullam hi pumh vial lawng in kan i fiang rua ka ti/kan kal pimi a lo. Nitin kan nunnak ah duh poah in hei tlonlen. Chinmi Khrihfa cu “Pumh Khrihfa” ti vial lawng zong in auh khawh kan si. Khrihfa biaknak a sullam cu pumh vial lawng cun teh a za maw?/a huap dih kho maw tiah biahalnak zong tuah khawh a si.
Biakinn chung i caan kan hmanmi le phungchim le tuahsernak a dang tete hna zonghi thuk deuh le fak deuh in kan ruah tthan hna ah a ttha lai tiah ka ruah keicu. Pumh vial lawng in Khrihfa sinak a fiangmi kan lo. Nazi pa 2 le cheu chung hna kan i pum kho cu mu. Neng dih le vuai dih lak in kan i pum i mah cu zarhkhat chung caah a za cang tiphun in kan ruah/kan kal.
Miphun dang cu sullam nei tein le hmual nei tetu in nazi pa 1 hna an i pum i an vuai lo, a neng hna lo tik ah zarhkhat chung an nunnak zongah Khrihfa sinak cu an i nunpi peng huam i an zulh huam peng.
Tawi deuh tein i pum ve uh sih law, neng lo le simh lo tein, sullam nei le hmual nei tetu in i pum fawn hna uh sih law, cuticun zarhkhat chung ni dang ni 6 chung zongah Khrihfa cawnpiak nak le i nunpi dingdang tete zong kan i nunpi kho deuh lai tiah ka ruah/ka zumh. Zarhpi ni hman nuam dih uh.
Be First to Comment